Popular Bible Verses from 2 Tɛsaloni 2

Share

se á yé pa nɔɔn-nɔɔno gane abam de wonnu tento dwoŋi. Kokuri, maŋa kalo nɔɔna dedɛ na wó ywori Wɛ kwaga ne to wó ke yiga ye dé Teiru wom dɛ-kamunu kom laam ba ko yi. Ko woli da, wolo wom na ye keim-lwanno tu to jege se o ba yiga. Wonto kweelim maama maa ye se Wɛ chɔge‑o.

Dé nu-bia bam, dé jege se dé ke Wɛ lei maŋa maama abam ŋwaane, á na ye balo dé Teiru wom na swoi to. Ko zege boboa ne mo Wɛ kuri abam se o jwoŋi abam o yage. O dɛ o Sin-laao kom dam ŋwaane mo o pa á ji o tete nɔɔna, á na sɛ o chega kam de á wo-dedoa to ŋwaane. O tɔge tento baŋa ne mo o jwoŋi abam o yage.

O wó pa se o tete taa dwoi wonnu telo maama nɔɔna na zuli to, de kolo maama ba na bwoi we, ba wɛ to. O ta wó kwori o done wonnu tem konto maama. O maa wó paale o zo o jeini Wɛ diga kam ne ye o bere o tete we, omo mo ye Wɛ.

Dé Teiru Yezu Krista, dedaane dé Kwo Wɛ wó zeini abam de boboŋ-dɛɛra se á ta‑á jege dam, se á wane á ta‑á tɔge chwo-laao de á kikia, de á ni taane maama. Wonto maŋe o jege debam swono ye o ke debam zaane, de o na pɛ dé jege baare delo na bá fɔge de ti to, dedaane teena yalo na ye chekke to.

Ba na lage ba ve Wɛ chega kam konto to, o laam wó pa se ba boboŋa daa yeiri chega, ye ba sɛ ba tɔge kolo na ye vwa to.

Maŋa kam keim-lwanno tu wom na wó ba o taa wora to, o wó jwoŋi dam setaana pɛ wom tei ne se o ma ke wo-kenkagela de totoŋ-kamuna dwi dwi yalo na dae chega to. O ta maa wó ke keim-lwanno dwi maama o ma gane balo na lage ba ga ba ŋwea Wɛ tei ne to. Ko wó ke-ba konto, ba na ba sɛ se ba jwoŋi Wɛ chega kam de swono se ko pa o jwoŋi-ba to ŋwaane.

Keim-lwanno dam delo na seigi nɔɔna yia ne to maŋe de wora de chɔge nabiina. Ko nam ná ye wolo wom na wora o cho keim-lwanno tem chwoŋa leile se te yé tiini te ke to, konto tu wó taa wora se ko taa vei maŋa kam o na wó lage jeiga to.