Popular Bible Verses from 2 Pwa 6

Share

Elisa ma lwoori Wɛ o we, “BAŋA Wɛ, puri a tontoŋeno wom yia se o wane o na amo na tɛ kolo to.” BAŋA Wɛ ma seene o puri nɔn-doŋo wom yia pa o nii o na we, sisei kɔgɔ kɔgɔ de torokooro dedɛ na jege min-vogo to mo faare peo kom maama te gilimi Elisa.

Elisa ma leiri‑o o we, “Yé ta‑n kɔre foone, se balo na wo debam tei ne to daga ba dwoi balo na wo banto tei ne to.”

Tega na poore tetete to mo Elisa tontoŋeno wom zaŋe o nwoŋi pwooni o na we jar-keira, de ba sisei, de ba torokooro mo kaare teo kom maama ba pu. O ma vo o ta de Elisa o we, “Woo, amo tu, lɛɛro yi debam! Dé nam wó ke tɛ mo?”

Siria jar-keira bam ma fɔɔre ba yi se ba ja Elisa. Elisa ma lwoori BAŋA Wɛ o we, “A lwoori‑m se n pa nɔɔna banto maama yia dwei.” BAŋA Wɛ ma seene o pa se ba yia dwei, ne Elisa na lwoori‑o tei to.

Wɛ tontoŋeno Elisa ma bwei‑o o we, “Ko le ko to yei ne mo?” O ma bere‑o ko na to mɛ to. Elisa ma gwoni tio naga o de buga kam wone. O keim dem konto ma pa se dwooru wom puki na bam baŋa ne.

Ba dedoa na wora o gwoni tio naga to mo o dwooru wom le o to buga kam wone. O ma laare de kwor-dɛa o we, “Woo! Amo tu Elisa, dwooru wom ye a jene‑o mo.”

Elisa ma ta de nɔɔno wom o we, “Laare n kwei-ko.” Nɔɔno wom ma tei o jeŋa o le-ko.