Popular Bible Verses from 2 Korinti 5

Share

Nɔɔno wolo ná tu o me de Yezu Krista, ko bere we, Wɛ jwoori o fɔge konto tu de o ŋwe-doŋa kam mo, ye ko pa se wonto ŋwe-dwoŋa kam kɛ, ko daare o ŋwe-doŋa kam yerane mo wora.

Yezu Krista mo ye wolo na ba jege wɛleere o yuu ne to. Wɛ nam duri dé ŋwaŋa ye o pa se debam wɛleera mo saŋe wonto yuu ne, se ko pa dé taa jege chega Wɛ tei ne, dé na me de Yezu to ŋwaane.

Dé nam na jege dé ŋwea tei to, ko dae we dé tɔge dé yi na nae wonnu telo to. Dé nam ke dé wo-dedoa de Wɛ we, dé wó na.

Ko maama ye Wɛ kikia mo. O tɔge Yezu Krista ŋwaane mo o fɔge debam de o tete daane, ye o daare o pa se dé taa woli nɔɔna se ba na o fɔgem dem konto. Dé yeini dé bere nɔɔna we, Baŋa Wɛ dɛ Yezu Krista ŋwaane mo o fɔge nabiina de o tete daane, pa se o daa ba jeeli ba wɛleera o ke o boboŋa ne. O ma kuri debam se dé taa bere nɔɔna o fɔgem dem konto na ye tei to.

Mo Wɛ na tiŋi debam se dé leiri Yezu Krista yuu ne dé taa bere nɔɔna o chega kam tei to. Ko maa nye de Wɛ tete mo wo debam tei ne o ŋɔɔna. Dé nam lwoori abam Yezu Krista yere ŋwaane se á sɛ se á de Wɛ fɔge daane.

O na tege o pa ba maama konto to, ko ye se balo na jege ŋwea o ŋwaane to mo daa yé taa ŋwe ba tete fɔgem ŋwaane. Ba nam wó taa ŋwe Yezu fɔgem ŋwaane mo, de o na tega se o leiri ba yuu ne ye o daare o bi toone wone to. Konto ŋwaane, dé ná yeini dé bere nɔɔna chega na ye tei to, dé daa ba tɔge nabiina boboŋa na bere tei to. Maŋa kadwoŋi ne dé déem tɔge boboŋa yanto dwoŋi mo dé maa bere Yezu Krista na ye tei to, ye dé nam daa ba tɔge-ya.

Dé na ke kolo maama to tɔge Yezu Krista swono kom ŋwaane mo. Kokuri dé laam maane we, nɔɔno dedoa mo tega se o leiri nɔɔna maama yuu ne, ye konto bere we ba maama de tɔge ba te mo.