Popular Bible Verses from 2 Korinti 12

Share

O nam wo sɛ, ye o ta o we, “Amo zaane dem nam wó yi se ko maŋe de nmo. Nmo ná bwona, ko wó pa se amo dam dem tiini de taa jege kuri nmo tei ne.” Mo kokuri amo wó taa jege teera de wonnu telo na bere we a bwona to. A maa wó taa jege wopwolo te ŋwaane, se ko pa Yezu Krista dam dem taa kwoli-ne.

Konto ŋwaane mo, amo ná yeini a bwona, naa nɔɔna ná jege-ne ba twea, naa cham de bɛɛsem de lwia ná jege-ne, amo ta jege wopwolo konto baŋa ne Yezu Krista ŋwaane. Kokuri to, amo ná yeini a bwona maŋa kalo to, a nae dam lanyerane.

Amo ya ná boŋe se a bere a tete, ko ya bá taa ye jworim mo ko pa-ne, a na wó yɔɔre a ta chega to ŋwaane. Amo nam bá sɛ a bere a tete konto. Amo ba lage se nɔɔn-nɔɔno boŋe kolo na dwoi amo ŋɔŋa de a totoŋa to o pa-ne. Wɛ le wo-kenkagela dedɛ o bere-ne se ko gaale, ye o nam ba lage se a tɔge te baŋa a bere a tete kamunim. Mo kokuri o pɛ se cham jege-ne ko daana, ne sabare na zɔge-ne tei to. Ko maa ye kolo setaana pɛ wom na tɔge ko ŋwaane o yaare-ne to.