Sɔɔl ma ta de nɔn-doŋo wolo na zei o jara zela yam to o we, “Le n se-zɔɔ kom n ma n zɔ-ne n go. Amo ba lage se Filisi nɔn-yɔɔro tento yi amo yera ba de zɔ-ne se ba mɔne-ne ba ke chaveera” Nɔn-doŋo kom maa wo sɛ se o go‑o, foone na tiini de jege‑o to ŋwaane. Konto baŋa ne to, Sɔɔl ma vaŋe o tete se-zɔɔ o le. O ma kwei-ko o moore o puga ne, ye o daare o to ko baŋa ne o te. Nɔn-doŋo kom na maane we Sɔɔl tege to, o de ma le o se-zɔɔ kom o to ko baŋa ne ye o de te o tigi o tu wom takeiri ne.
