Popular Bible Verses from 1 Jɔn 3

Share

A bia bam, dé kikia mo jege se ya bere we, dé swono kom dé na jege to dae ni taane yerane, se ko ye swono kolo na seene ko tɔge chega to mo.

Yezu na tiini o swoi debam tei to mo tei o sɛ se o te debam ŋwaane. Konto ma pa dé lɔre swono chekke na ye tei to. Mo kokuri ko maŋe se debam de sɛ se dé te, se dé wane dé jwoŋi dé dwonna ŋwea.

Boŋe-na á nii dé Kwo Wɛ na tiini o swoi debam tei to. Ba ma debam ba bwoi we Wɛ bia. Dé nam seene dé ye konto mo. Nɔɔna balo na ye logo baŋa nyem to yiga nam tera de debam, ba na yeiri Wɛ to ŋwaane.

Ko daare wolo maama nam na tɔge wɛleera keim to bere we o ye setaane nyem mo, kolo ŋwaane setaana pɛ wom maŋe o yɔɔre o tɔge wɛleera chwoŋa mo ko zege boboa ne. Wɛ Bu wom nam tu logo baŋa se o chɔge setaana pɛ wom kikia yam mo.

Wolo maama na seene o ye Wɛ bu to ba tɔge wɛleera keim, kolo ŋwaane Wɛ ŋwea mo wo o bochare ne. Konto to, o daa bá wane o tɔge wɛleera keim, o na ye Wɛ bu to ŋwaane.

Nɔɔno wolo maama na ye jejegero tu to ná lɔre we o dwoŋi ba gara, ye kotu ná wo pɛ se o ŋwaŋa zo‑o, ko bere we Wɛ swono kom tera o bochare ne.

Wolo maama na tɔge Wɛ nia yam to me ded‑o mo, ye Wɛ wo o tei ne. Wɛ Sin-laao kom o na pɛ debam to mo pae se dé lɔre we, Wɛ seene o wo debam tei ne.

Konto mo dé wó wane dé pɔɔre balo na ye Wɛ bia to de balo na ye setaane bia to daane. Wolo maama kikia na ba tɔge chega to dae Wɛ nyem, ko woli de wolo de na ba jege o dwonna swono to.

Ko ye chega, dé jege se dé taa swoi daane mo. Konto ye Wɛ kwora kalo abam na maŋe á ni boboa ne to.

A nu-bia bam, balo na jege kugu jei logo baŋa ne to ná chuli abam, yé pa-na ko kagele abam.