Popular Bible Verses from 1 Korinti 15

Share

Konto to, a nu-bi-swonnu bam, fɔge á zege-na lanyerane de pu-dɛa. Chɛ-na dé Teiru wom totoŋa yam baŋa ne maŋa maama, kolo ŋwaane á yei we totoŋa yalo maama á na toŋe á pa dé Teiru wom to dae kafɛ.

Dé ke Wɛ lei de o na pae se dé jwoŋi zeinim dé Teiru Yezu Krista tei ne se dé wane toone dam maama to.

Yé pa-na ba gane abam se á tusi. Ko ye chega mo we, “Nmo ná me de nɔn-balwaaro, ba keim-balwaaro tem wó tɔge te lɔgese‑m.”

Wɛ tete zaane dem nam mo pɛ se a ji a na ye wolo zem to. O na ke-ne zaane tei to dae kafɛ. Amo tiini a toŋe a pa‑o, se ko dwoni o tontoŋena bam maama. Ko nam dae a tete dam ŋwaane mo a wae a toŋa. Ko ye Wɛ zaane dem o na ke a yuu ne to ŋwaane mo.

“Toone, n dam dem daa bɛ? N daa‑n wó wane a nɔɔna bam n chɔge na?” Ko ye nɔɔna wɛleera ŋwaane mo toone jege dam se de chɔge-ba. Wɛleera de nam jwoŋi ya dam Wɛ nia yam baŋa ne mo.

Fɔge-na á cheigi, se a lage a ta Wɛ chega kalo ya na seigi to a bere abam. Debam maama bá te. Dé nam ná tega naa dé ta wo tege, dé yera yam maama jege se ya leiri mo. Ko wó pɔpɔ ko ke ne yi na bogese tei to mo, maŋa kam ba na wó wu Wɛ nabɔnɔ kolo na kweeli to. Nabɔnɔ kom ná wuga, twa wó bi ba zaŋe de yera yalo na ba jege pɔm to, ye debam yera yam maama wó leiri.

Toone zege nabiinu dedoa yera ne mo de wora. Ko ta ye bedwe mo de twa biim de na zege nabiinu dedoa yera ne tei to. Nabiina ŋwea de Adam ŋwea na ye bedwe to ŋwaane mo pae se ba maama toa. Ko ta ye konto dwoŋi mo de balo maama ŋwea de Yezu Krista ŋwea na ye bedwe to wó bi ba na ŋwea Wɛ tei ne.

Kokuri, dé yera yalo na wó pɔ to jege se ya ji yalo na bá pɔ to mo. Dé yera yalo toone na wae to jege se ya ji yalo toone na ware to mo.

Ko nam fe mo se Yezu di paare taa, se ko taa vei maŋa kam Wɛ na wó wane o dona maama o ke o dam kuri ne to. Toone nam mo ye o dono wolo o na wó wane o ma kweeli to.