Popular Bible Verses from Reemer 5

Share

Awer, Hërkot hot uns ketsaycht wii fiil eyer uns liipe tuut: Kristus is uf unser plats kextorep wan meyer noch in sinte keleept hon.

Tii hofnung lost uns net tesaponteere, wayl Hërkot hot sayne liipe aus kexut in unser hërts, torich te Hayliche Kayst, woo eyer uns kep hot.

Un meyer tuun uns aach fraye im layte, wayl meyer wise tas ti layte ketult protutseere, te ketult pringt Hërkots sayn aproweerung, un tii aproweerung tsiit ti hofnung.

Yets woo meyer aan kenom kep sin fon Hërkot torich unsere klaawe an tëm, hon meyer friite mit tëm torich unser Hër Yeesus Kristus. Es waar Kristus weyer uns kep hot, torich unsere klaawe, tas leewe in Hërkots knaate. Un yets playwe meyer xtram in tëm klaawe un fraye uns in te hofnung fer mit hale an Hërkots kloor.

In te woerheet, wan meyer khee kaystlich kraft hate, is Kristus kextorep uf te xlechte sayn plats, in te tsayt woo Hërkot aus kesuucht hat.

Un, yets woo meyer aan kenom kep sin fon Hërkot torich Yeesus sayne toot am krayts, is noch sicherer tas meyer pefrayt kewe, torich iim, fon Hërkot sayne xtroof.

Un soo wii fiile mënxe in sinter transformeyert kep sin weche eene ensichste man woo net keheyert hot, soo aach kewe fiil fon Hërkot aan kenom weche eene ensichste man woo keheyert hot.

Un net ploos tas, awer tuun uns aach fraye weche was Hërkot kemach hot torich unser Hër Yeesus Kristus, woo yets uns in Hërkot sayn froynte transformeyert hot.