Popular Bible Verses from Reemer 4

Share

Aapraham hot net sayne klaawe ferloer, un hot net ketswayfelt iwer Hërkot sayn ferxprechung. Sayne klaawe hot iim mit kraft kefilt, un eyer hot Hërkot keloopt wayl eyer kans sicher waar tas Hërkot mache khënt was eyer ferxproch hat.

Wii ti Hayliche Xrifte saan: “Ich hon fon tich te fater fon fiile natsioone kemach.” Soo, tuut ti ferxprechung fon Hërkot ap hënge, te Hërkot an weem Aapraham keklaapt hot, te Hërkot woo ti toote peleepe macht un macht tas eksisteere tuut was net eksisteyert hat.

Yeesus is ap kep waar fer se xtërwe weche unser sinte un is peleept kep tas meyer aan kenom keepte fon Hërkot.

Aapraham hat klaawe un hofnung kehat, sokaar wan khee motiif waar fer hofnung se hon, un tesweche is eyer fon fiile natsioone fater kenënt kep. Wii ti Hayliche Xrifte saan: “Sayn nookhomer wëre fiile.”

Un soo, hot Hërkot sayn ferxprechung sayn basis am klaawe, tas ti ferxprechung karanteyert kept als en kexënk fon Hërkot fer ale nookhomer fon Aapraham. Ti is net ploos fer tii woo ti kesets noo keen, awer aach fer tii woo an Hërkot klaawe wii Aapraham keklaapt hot, wayl eyer is te kaystliche fater fon uns al.

Dawii saat: “Kliklich is tee fon wëm Hërkot ti xlechtichkheete fertsaye tuut, un fon wëm eyer ti sinte auswixe tuut! Kliklich is tee woo Hërkot ti sinte net aan rechne tuut!”

Also, was saan ti Hayliche Xrifte? Tii saan: “Aapraham hot an Hërkot keklaapt, un tesweche hot Hërkot iim aan kenom.”