Popular Bible Verses from Kalatas 6

Share

Meyer tërfe net miit kewe fom kuutes se tuun. Wayl, wën meyer net uf kewe, khomt ti richtich tsayt woo meyer ti ërnt mache.

Soo, imer wën mer khan, sole mer tas kuutes tuun fer yeete eene, ekstra fer tii woo teel hale in unser familye im klaawe.

Heleft eene te anere un soo sayt teyer Kristus sayn kesets noo am keen.

Tuut aych net fertuun: nimant tuut Hërkot ferxpote. Was yemant planse tuut, kraat tas tuut eyer ërnte.

Wën keplanst kept uf em lant fon sayn mënxlich natuer, fon tëm lant kept te toot keërnt. Awer, wën keplanst uf em lant fon Hërkots Kayst, fon tëm lant kept es eewiche leewe keërnt.

Mayn priiter, wën yemant erwixt kept in en feeler, teyer woo kaystlich sayt mist tëm helfe sich korijiire. Awer macht tas mit temiitichkheet un past uf tas teyer aach net in fersuuchunge fale tuut.

Te mënx woo tënkt weyer important, wën eyer in te woerheet net is, is sich selepst am hinerkeen. Tas yeete eene sich selepst unersuuche sol wii eyer hantle tuut! Wën es kuut is, tan khan eyer xtols sin uf was eyer ketuun hat, oone mise sich ferklayche mit te anere sayn hantlung. Wayl yeete persoon mus sayne aychne last traan.