Popular Bible Verses from Kalatas 5

Share

Awer, te Hërkots Kayst protutseyert te liipe, ti frayt, te ketult, ti tsaatlichkheet, ti kuutheet, ti fiteliteet, ti humilteet un selepst pehërxung. Un keeche tas tings kept es khee kesets.

Ich wil aych tas saan: lost tas Hërkot sayne Kayst ayer leewe fiire tuut un kept net noo fer ti mënxliche luste.

Tas te Hërkots Kayst, woo uns tas leewe kep hot, unser leewe aach kontroleere sol!

Ti mënxe woo tsu Yeesus Kristus keheere hon sayn mënxlich natuer, mit ale laytexafte un wunxe fon tee natuer, pekraytst.

Ti tinger woo ti mënxlich natuer protutseyert sin pekhant. Tii sin: ti seksual imoraliteet, tas woo xeemhaftich is, was net aanxtënich is, ti aanpetung fon iitole, hekseray, fayntxaft, tas tsënke, ayfersucht, wuut, ekoystix pekeerung, uneenichkheet, xpalunge, te nayt, tas sauferay, sich aus lose un aner tings eenlich wii tas. Ich saan noch mool was ich xon kesaat hat: tii woo tas tings mache, kriin net te Kotes Raych.

Awer, teyer, priiter, waart keruuf kep fer fray se sin. Awer lost net tas tii frayheet sich in en ausreet transformeyert tas ayer mënxlich natuer aych tomineyert.

Wayl was unser mënxlich natuer wil is keeche was te Kayst wil, un was te Kayst wil is keeche was ti mënxlich natuer wil.

Wayl ti kans kesets past in eene kepoote rin: “Liip ti anere wiis tuu tich selepst liipst.”

Meyer tërfe net hoochmuutich sin, net mool yemant prowokeere, net mool naytich eene iwer te anere sin.

Kristus hot uns pefrayt tas meyer wërklich fray khëne sin. Tesweche, playpt fest wii fraye layt un lost aych net noch mool sklaawe mache.