Popular Bible Verses from 1Yohan 3

Share

Mayn khinercher, unsere liipe tëref net ploos fon wërter un kexpreech sin. Mus en echte liipe sin, woo mer wayse tuut torich aktsioone.

Meyer wise was te liipe is weche tas: Kristus hot sayn leewe kep weche uns. Tesweche, mise meyer aach unser leewe kewe weche unser priiter.

Kukt mool wii kroos is em Fater sayne liipe uf uns! Sayne liipe is soo kroos, tas mer khiner fon Hërkot kenënt kewe un sin, wërklich, sayn khiner. Is tesweche woo ti welt uns net khënt, wayl hot net te Hërkot kekhënt.

Weyer wayter sinte macht keheyert tsum Taywel, wayl te Taywel macht sinte tsayt ti kriatsioon fon te welt. Un Hërkot sayne Soon is khom fer tas: fer se fernichte was te Taywel kemach hot.

Weyer Hërkot sayne soon is tuut net wayter sinte mache, wayl tas leewe woo Hërkot kept playpt wayter in tëm persoon. Un tii khan net wayter sinte mache, wayl Hërkot sayne Fater is.

Wën yemant raych is un siit sayne pruuter neetichkheete am mit mache, awer tee net mit helfe, wii khan eyer fersichere tas eyer, wërklich, Hërkot liipe tuut?

Weyer Hërkot sayn kepoote noo keet leept in eenichkheet mit Hërkot, un Hërkot leept in eenichkheet mit tëm. Un, weche em Hayliche Kayst woo eyer uns kep hot, wise mer tas Hërkot in uns leewe tuut.

Ti klaar unerxiit woo es kept tswixe Hërkot sayn khiner un em Taywel sayn khiner is tii: weyer net macht was richtich is ore net sayne pruuter liipt is net Hërkot sayne soon.

Ti mensaaj woo teyer keheyert het tsayt am aanfang is tii: tas meyer uns liipe sole ëne em anere.

Mayn priiter, praycht aych net ferwunere tas ti layt fon te welt aych hase.