Popular Bible Verses from 1Yohan 2

Share

Liipt net ti welt, net mool tas tings woo uf te welt is. Wën teyer ti welt liipt, tuut teyer net Hërkot, te Fater, liipe. Niks was fon tee welt is khomt fom Fater. Ti xlechte wunxe fon te mënxlich natuer, ti lust fer se hon was te aue kefale tuut un te xtols iwer es tings fom leewe, tas ales khomt net fom Fater, awer fon te welt.

Un ti welt keet rom, mit ales was ti mënxe pekeere; awer tee woo Hërkot sayne wile tuut leept fer imer.

Weyer saat tas er fereenicht mit Hërkot leept, mus leewe wii Yeesus Kristus keleept hot.

Mayn khiner, ich xraywe tas fer aych tas teyer khee sinte macht. Awer, wën yemant sinte macht, hon mer Yeesus Kristus, woo macht was richtich is; eyer tuut uns tefenteere foer Hërkot.

Wën yemant saat: “Ich khëne Hërkot”, awer keet net sayn kepoote noo, tas is en liichner un is khee woerheet an tëm.

Wën mer Hërkot sayn kepoote noo keen, tan sin mer sicher tas mer iim khëne.

Weyer saat teet im licht leewe un tuut sayne pruuter hase is in te tunkelheet pis yets.

Tan, weyer is te liichner? Is tee woo saat tas Yeesus net te Kristus is. Weyer tas saat is te faynt fon Kristus; tee tuut ap saan soo fiil te Fater wii te Soon.

Wayl weyer te Soon ap saat, tuut aach te Fater ap saan; un weyer te Soon aan nëme tuut hot aach te Fater.