Popular Bible Verses from 1Korintios 6

Share

Wist teyer net tas ayre khërwer te thëmpel fom Hayliche Kayst is, woo in aych trin leept un is aych kep waar fon Hërkot? Teyer keheyert net fer aych selepst, awer fer Hërkot, wayl eyer hot aych khaaf un hot te prays petsaalt. Tan, penutst ayre khërwer fer tëm sayn kloor.

Teyer wist tas ti xlechte khee teel am Himels Raych kriin. Macht aych net ër, wayl ti imoraale, tii woo iitole atoreere, ti woo net leaal sin in sayn hochtsayt, ti homoseksuaale, ti xpits puuwe, ti kelt keeriche, ti pesofne, ti woo liye uf xtele un ti woo iwerfale fer se xteele wëre khee teel am Kotes Raych hon.

Rayst aus fon te seksual imoraliteet! Yeete anere sint woo yemant macht hot niks se tuun mit sayne khërwer, awer te mënx woo seksual imoraliteet mache tuut macht sinte keeche sayne aychne khërwer.

Yemant wërt saan: “Ich khan ales mache was ich wil.” Khan, yoo, awer net ales is kuut fer tich. Ich khënt saan: “Ich khan aler tings mache.” Awer lose niks mich als sklaawe mache.

Torich sayn macht hot Hërkot te Hër Yeesus peleept un tuut uns aach peleepe.