Popular Bible Verses from 1Korintios 5

Share

Was ich mëne is tas teyer niks se tuun het mit nimant woo saat weyer pruuter im klaawe, awer is imoraal, ore kelt keerich, ore tuut iitole atoreere, ore is pesof, ore xprecht xlecht fon te layt, ore xpits puup. Mit soo layt tëreft teyer net mool een imst mit ese.

Xmayst te alte heep fon te sinte wech tas teyer kans sauwer kept. Tan kept teyer wii nay mase un oone heep, wii teyer, in te woerheet, xon sayt. Wayl unser Oostre Fest is fërtich, yets woo Kristus, unser Oostre Xoof, xon keopfert kep waar.

Xliislich, ich hon net ti recht fer se julkeere tii woo khee kriste sin. Hërkot tuut se julkeere. Awer meecht teyer net julkeere mise ayre priiter im klaawe? Wii ti Hayliche Xrifte saan: “Tuut te xlechte man unich aych remoweere.”