Popular Bible Verses from الرؤيا 13

Share

ها هي الحكْمة: كُل واحد الّي عندو العقل خصّوْ يحسب رقم الوحش، حيت هُوَ رقم الإنسان، والرقم ديالو ستّ مية وْستّة وْستّين.

وْغادي يسجدو نالوحش سُكّان الأرض كاملين الّي ماشي مكْتوبين الأسْماء ديالوم في كتاب الحياة د الخروف الّي اتّدبح من بداية العالم.

وْجعل الناس كاملين، الصغارين والكبارين، الأَغْنياء والفُقراء، الحُرّين والعبيد، يطبعو لوم واحد العلامة في يَدّوم د الّيمين أَوْلا على الجبْهة ديالوم، باش ما يقدر حتّى شي واحد يشري ولا يـبيع، من غير الّي عندو العلامة د الوحش، يعني، الِاسم ديالو أَوْلا الرقم ديال اِسمو.

"إدا كان شي واحد مكْتوب عليه السبي، نالسبي غادي يمشي. وِادا كان شي واحد مكْتوب عليه القتل بالسيف، بالسيف غادي يتّقتل." راه هَدا هُوَ الصبر والإيمان د القدّيسين.

وْشفْتْ واحد الوحش طالع من البحَر، الّي عندو سبعة د الريوس وْعشرة د القرون وْعشرة د التيجان على القرون، وْعلى الريوس ديالو أسْماء د الكُفر.

وْتّعطى لو الإدن باش يحارب ضدّ القدّيسين ويغلبوم، وْتّعطات لو السلْطة على كُل قبيلة وْشعب وْلُغة وأُمّة.

وْغشّ سكّان الأرض بْهَد العلامات الّي اتّعطات لو باش يعملاْ قدّام الوحش الُوّل. وْكيآمر سُكّان الأرض باش يعملو واحد التمْتال نالوحش، الّي من بعدما تجرح بالسيف، عاش. وْتّعطى لو القُدرة باش ينفخ الروح في التمْتال د الوحش باش يتكلّم ويآمر بالقتل د الناس كاملين الّي ما كيسجدو شي نالتمْتال.

وْهَد الوحش الّي شفْتوْ كان كيشبه نالنمر، وْرِجلو فحال الرِّجلين د الدبّ، وْدُقمو فحال دقوم السبع، وْعْطى لو التنّين القوّة والعرش ديالو وْسُلطة عظيمة.

وْتّعطى لو واحد الدقوم الّي كيتكلّم بأُمور عظيمة وْبالكُفر. وْتّعطات لو السلْطة باش يخدم في مُدّة اتنَين وأربعين شهر.

وْكانت في واحد من الريوس د الوحش واحد الجرْحة فحال إدا كانت حتّى نالموت. والجرْحة ديالو برات، وْتعجّبَتْ الدنيا كاملة وْتبعَت الوحش،

من بعد شفْتْ واحد الوحش يَخُر طالع من الأرض، الّي عندو جوج د القرون فحال قرون الحَولي، وَلكن كيهدَر فحال التنّين. وْكيخدّم السلْطة كاملة د الوحش الُوّل قدّامو، وْكيعمل باش الأرض كاملة والسكّان ديالاْ يسجدو نالوحش الُوّل، الّي تشافى من الجرْحة ديالو الّي كانت د الموت.