Popular Bible Verses from الرؤيا 12

Share

وْهُمَ غلبوه بْدم الخروف وْبْكلمة الشهادة ديالوم، وْسخاو بْحياتوم حتّى نالموت.

ديك الساعة سمعْتْ واحد الصوت عظيم في السما، كيقول: "دابا جا النجا والقوّة والمُلك د إلَهنا، والسلْطة د المسيح ديالو، حيت تسيّب هَداك الّي كيشكي بالخوت ديالنا، الّي كان كيشكي بِهُم قدّام إلَهنا ليل وْنهار.

وْتسيّب على الأرض التنّين العظيم، الحيّة القديمة، الّي مسمّية إبْليس والشيطان، الّي كيغشّ العالم كامل، وْتسيّبو الملائكة ديالو معاه.

على هَد الشي، فرحو، آ السماوات، والّي ساكنين فيها. الويل نْسُكّان الأرض والبحَر! حيت إبْليس نزل بْغضب عظيم نْعندكُم وْعارف بلّي الوقت ديالو قليل."

وْوقعَتْ واحد الحرب في السما. ميخائيل والملائكة ديالو حاربو ضدّ التنّين، وْحارب التنّين والملائكة ديالو،

وْغضب التنّين على المراة وْمشى كيحارب هَدوك الّي بقاو من الدرّيّة ديالاْ، الّي كَيْطيعو وَصايا اللّٰه وْكيحافظو على الشهادة د يَسوع.

وْظهرَتْ واحد العلامة عجيبة في السما، واحد المراة لابسة الشمس، وْكان القمر تحت رِجلاْ، وْعلى الراس ديالاْ واحد التاج د طناشر نجْمة. كانت حُبلى وْكتغوّت من الحريق د الولادة وْكَتْـتعصّر باش تولد.

ولدَت المراة واحد الولد دكر، الّي غادي يرعا الأُمَم كاملين بالعصا د الحديد، وْتّخطف ولداْ نْعند اللّٰه وْنالعرش ديالو. وْهربَت المراة نالخلا، نالموطَع الّي وجّدوْ اللّٰه لِلاْ باش يتهلّاو فيها في مُدّة ألف وْميتَين وْستّين يوم.

وْظهرَتْ واحد العلامة يَخرى في السما، واحد التنّين عظيم حمَر، الّي عندو سبعة د الريوس وْعشرة د القرون وْسبعة د التيجان على الريوس. جرّ تُلت النجوم د السما بالزنّيطة ديالو وْسيّباْ على الأرض. وْوقَف التنّين قدّام المراة الّي كانت غادي تولد، باش ياكل ولداْ ملّي تولدوْ.

وْتّعطاو نالمراة الجنحين د النسر العظيم باش تطير بِهُم نالخلا من وجَه الحيّة، نالموطَع ديالاْ فاين غادي يتهلّاو فيها وقت وْوقتَين وْنُصّ وقت. وْبزقَت الحيّة من الدقوم ديالاْ الما فحال الواد مورا المراة باش يجرّاْ. والأرض عاونَت المراة وْفتحَت الدقوم ديالاْ وْبلعَت الواد الّي سيّبوْ التنّين من دُقمو.