Popular Bible Verses from يوحَنّا الأولى 4

Share

في المحبّة ما كاين شي الخوف، وَلكن المحبّة الكاملة كتبعّد الخوف، حيت الّي كيخاف كيتسنّى العقاب والمحبّة ما تكمّلَتْ شي فيه.

آ وْليداتي، أنتُمَ من اللّٰه، وْغلبْتوهُم، حيت الّي فيكُم عظيم من الّي في الدنيا.

حنايَ كنحبّو اللّٰه حيت هُوَ حبّنا في الُوّل.

آ العزازين، نعزّو بعضيّاتنا، حيت المحبّة ماجّة من اللّٰه، وْكُل واحد الّي كيعزّ، هُوَ مولود من اللّٰه وْكَيْعرفوْ.

الّي ما كيعزّ شي، ما كيعرف شي اللّٰه، حيت اللّٰه محبّة.

هَدي هي المحبّة، ماشي بلّي حنايَ حبّينا اللّٰه، وَلكن هُوَ الّي حبّنا وْصيفط اِبنو باش يكفّر على دنوبنا.

آ العزازين، إدا اللّٰه حبّنا هَيدا، حتّى حنايَ خصْنا نعزّو بعضيّاتنا.

هَيدا بيّن اللّٰه المحبّة ديالو فينا، حيت اللّٰه صيفط اِبنو الوحيد نالدنيا باش نحياو بِه.

إدا قال شي واحد: "أنا كنحبّ اللّٰه،" وَلكن كيكره خاه، هُوَ كدّاب، حيت الّي ما كيعزّ شي خاه الّي شافوْ، كيفاش يقدر يحبّ اللّٰه الّي عُمرو ما شافوْ؟

إدا شي واحد اعْتَرف بلّي يَسوع هُوَ اِبن اللّٰه، اللّٰه تابت فيه وْهُوَ تابت في اللّٰه.

وْهُوَ عْطانا هَد الوَصيّة: "كُل واحد الّي كيحبّ اللّٰه، لازم يعزّ خاه حتّى هُوَ."

آ العزازين، ما تْتيّقو شي كُل روح، وَلكن جرّبو الارْواح باش تعرفو واش هي من عند اللّٰه، حيت خرجو بزّاف د الأَنْبياء الكدّابين نالدنيا. بْهَد الشي عرفو روح اللّٰه: كُل روح الّي كَتعْتَرف بلّي يَسوع المسيح جا في الجسد، هي من اللّٰه.

وْكُل روح الّي ما كَتعْتَرف شي بلّي يَسوع المسيح جا في الجسد، هي ماشي من اللّٰه، وَلكن من عند المسيح الدجّال، الّي سمعْتو بلّي هُوَ ماجي، وْهُوَ في الدنيا دابا.