ဘေ ဒါ ဆာရာ အီ မာနုဝ် ဒါရာ ယူဒါ ဘော ဘေ ဒူအီ ခဲင် ဖိုင် ဖာရီဆဲ၊ ဘေ မုး ဒူအီ ညိုင်ရာင် ဘွတ်။ ဘေ ဒီ ဇမ် ဒုက် တာင်။ ဘေ ဂျုဝ်ဂျာ ဒီ ဒိုဝ်း ဒဝ် လှိုင် ဂေ မှီ ဘဲန် မျုဝ် ဘဲန် မျုဝ်၊ လှူ ဂိုဝ် ဘုန် အူ ဘုန်။ ဘေ ယီ တူ ခတ် နဝ်း ဒီ ဒူပ် အီ မုး ဒါရာ အီ အာရေ တာင်။ ဘေ တူ ဆုင်ဖျာတ် နာ မှာန်။ ဘေ တူ ကာဝေ ဒူအီ။ ဘေ မိူဝ် တူ ဘူင် နာ မှာန် ဆေဆေ။ ဘေ လုဝ် ဂျုဝ်ဂျာ ဒီ ဘူင် အီ မိုဝ်း ဒီခုဝ်၊ အီ မိုဝ်း အာရေ တာင်၊ ယီ တူ ပိဝ် ဒီ ဒွါ ဂိုဝ် ဘုန် အူ ဘုန်။