ဇဝ် ယေဆူ ဝီ တဝ်း၊ “ဒါရာ တီ၊ န့ တဝ်း၊ ‘ဇဝ်ဖြာ ပီ ကြိုပ် ဘေ၊ အန် ဘော မုး ဇဝ်ဖြာ အီ အိုပ် ဘေ။ ဘေ လုဝ် ရွက့် အန် ဇဝ် တီ၊ တဲး ဘော နဝ်း ဘော တူတ့် ရွက့် အန်။ ခဲ့ ပွိုန် ဘေ ရွက့် ခဲင် နဝ်း၊ ခဲ့ မိုဝ်း ဘေ အာငျာန်၊ ခဲ့ မိုဝ်း ဘေ ပ့လူမ်၊ ဇိုဝ် တီ ဒွန် မျုဝ် ဘေ လုဝ် ဒိုဝ်း တူတ့်၊ ဝီ ရွက့် အန် ဇဝ်။’ အာတီ မုး ဒါရာ ဇဝ်ဖြာ အူ ညွင့်၊ ပီ လုဝ် ဒူပ် အီ ဒီ အာတ့်။ န့ မိုဝ်း ဒါရာ ပေါ အူ ညွင့် ပီ လုဝ် ဒူပ် အီ၊ တဲး န့ ပီ ပီ ဒူပ် ဂေ ဒါရာ ပဲ့ ဟဲ့ ဟွတ့် ကာလာင် အုဝ်။ န့ တဝ်း၊ ‘ဘေ လုဝ် ရွက့် အီ ဟဝ်၊ တဲး န့ ပီ၊ ဘေ ရွက့် ဒုဝ် ဘြိမ် ဘေ။’