Popular Bible Verses from အာယုဝ်အေလ 2

Share

ဟဲ့ ဟွတ့်၊ ဇဝ်ဖြာ ပီ ဝီ တဝ်း၊ “ဒေါ တီ နီ၊ တဲး ဘေ တး ဒီ အုဝ် ဒေါ ဆီ မိုဝ်း အာခြာဝ် အန်၊ တဲး ဘေ အာပ် ဒွါ နဝ်း ဘေ ဒီ အုဝ်။ ဒေါ တး ဘေ တဲး ဘေ ယိူန် ပီ ဒီ ဟူမ် ဘော ယာမ် ဘော ငှုန်။”

ဝါယ် အန် တီ အုဝ် ဒီ ဝီ ဟုး နဝ်း ဖွိုမ် အုဝ် တဲး န့ ဇမ် ဒဲင် ဂေ ဒူအီ ဘောကာဂ့လျီတ်။ တဲး န့ ပီ ဒူအီ ဟုး လေး အိုမ် ခဲင် ကာပဝ်။ ဂေ ဂွန် အီဘိုန့် ဘော ဂွန် အီမာယ် ဘေ၊ ဂေ ဒီ ဘော နပ် ဒီ ဘျာန် ဂြုဝ်း ဇဝ်ဖြာ။ ဂေ ဒူအီ ကတ် ဒူအီ ဂဲ၊ ဂေ ဒီ ဘော နပ် ဒီ မ့ဘာဝ် ဒွန် မျုဝ်။ ဂေ ဒူအီ အီ ဆီ နှိုမ်၊ ဂေ ဒီ ဘော ယိုဝ် ပီ ဘျ ဇဝ်ဖြာ ဒီ ဂေ။

ဘေ ယီ တူ လုဝ် ကာယာတ့် ခြိုင် ဘေ ကူပ် က့လိုဝ် ဘေ။ ဘေ လုဝ် ကာယာတ့် နဝ်း ဘေ။ ဟဲ့ ဟွတ့်၊ တဲး ဘေ ဝီ တး ကာတတ် ဇဝ်ဖြာ အီ မုး ဇဝ်ဖြာ ပီ ကြိုပ် ဘေ။ မဲ ဇဝ်၊ မဲ မုး ဇဝ်ဖြာ အီ နပ် ဒီ ရွက့်၊ နပ် ဒီ ကာဝေ အီ။ မဲ ဘော မိုဝ်း နဝ်း ခမ် ဒီ ယိူန်၊ တူ ငှိုယ် ရူ။ မဲ ဘော မိုဝ်း နဝ်း ဆီ ဂေဇူ အီ၊ တူ ဆီ ဒမ် မှာပ် ဒီ အီ။

ဒေါ အန် တီ ဂေ အီ ဆာခိုဝ် အီ ဂါဝ် ပွုန် ဇဝ်ဖြာ ဒွန် အီ၊ ဇဝ်ဖြာ ဒီ ဘော ချွတ် ဂေ။ ဂေ အီ ကွယ် ဒီ နွန် ဇီအူန် ဘော ဂေ အီ ကွယ် ခဲင် မိူင် ယေရူဆာလဲမ်၊ ဂေ ဒီ ဘော လွတ် ယမ် မင် အီ။ ပါယ် တီ န့ ဒူပ် ဂြုဝ်း ပီ ဒွိုမ် ကာလာင် ဇဝ်ဖြာ တဲး န့ မိုဝ်း ဂေ အီ ဆီ ဂိတ် ဆီ ကွယ်၊ အီ မုး ဒူအီ ပဲ့ ဟဲ့ ဒဲ့ ဇဝ်ဖြာ။

အာတ့် ဇမ် ဆီငဲ အီ မွှိုမ် ယုဝ် ကာဆဝ်၊ ဆီငဲ ပီ ဒီ ဘူင် ဇဝ်ဖြာ တီ၊ ဆီငဲ ဒီ ဘော အပ် ဝွင့် ဒီတိန့်၊ မာဂျီန် ဒီ ဘော လေး ပီ နှာမ်။