Popular Bible Verses from Roma 3

Share

ipi karu foromai kaiae aea Ualare sa miaraita sosorusosoru la ovai vei mai muia harua lei vovea. A—, Ualare sa au miaraita meru sa erero are ita lei haura leititore Keriso Iesu voa, erero paraea lei makuri leita lea vita.

Ualare ita haura leita mai la karu sa Iesu Keriso la sukaererea lōri ovai vei. Karu foromai Ualare ve haura lōri ova vovea. Mai hariaharia voa kasirau

Ualare arero itapōpe areve ovo sa karu ve kaiae la sasuka mutapai vei, ere arero sukaerereaita lea vei. Ualare mai lōfeare leipe ipi areve haura la lei muiai vei. Evera soa are karu sa leiape lea kaiae la au morari, ereve kaiae la seseōvai auke lei meiape. A—, mea faitora soa voa areve elore haura leita mai la pisiri muiai vei, are Iesu la sukaerereaita lea karu ta are ita lei haura leititore.

Safu ve Mai la kakeva leita lea vei, karu farakeka Ualare ve soso voa haura o are vei levi moi roi; a—, lea Safu O sa karu la lei are sa leita kaiae la lei ore loita reha.

Usoso Safu Buka voa uka siseita o fefeare: Mai haura leita karu farakeka kasirau kofa, haiiri fapi meita karu ta kasirau, aea Ualare la elita karu kasirau. Ere foromai otiharo kiripi huapi roroa vovea; ere farehoria maealolo kofa. Mai lareva leita karu kasirau, farakeka kakaeite kofa.

Ipi ereitave kekese leita haiiri mōfeare, karu la Ualare ita lei haura leita mai, are Safu Mai voa sesearaita lea vei kao, a—, ipi are sa sukaerereaita lea vei.

Kakaeite kofa! Ualare are okofa, karu foromai ere apeva; usoso Safu Buka voa uka siseita o fefeare: A o omoita lea mea a haura ia; aea aro seseōvi tava miaraita soa, a sapataita reha.