Popular Bible Verses from Roma 1

Share

Ipi ara Ovoro Lareva vei maea karōva lei vovea; are Ualare ve siahu, sukaerereaita karu foromai la fareōvi lei makuri leiti vei, Iuda karu omopa, aea aite Helene karu ta reha.

Ipi lea Ovoro Lareva voa Ualare sa karu la lei haura leita mai la pisiri muia vovea, lea mai ve oarehōva aeata sisa etau sukaerereaita haiiri reha; usoso Safu Buka voa mōri uka siseita o feare, Sukaerereaita haiiri sa Ualare ita lei haura leita lea karu ere makuri leiti roi.

Mearovaeka la pisosipe soa itiiti faitora, ofae sa eavai auke leitita lea Ualare ve peita siahu aea areve leita mai ita la are sa leita etau etau voa pisiri muia vovea. Lōfeare vei ere ereve kaiae la sasaukaita o omoita ore kasirau.

Ere Ualare la ore, a—, ere arero Ualare feare taivotai sore, arero maeati sore; ere haiiri voa maeakakare lei aea ipi ere haiivavu eavia, ere haiiri murumuru lei roroaiape.

Ere Ualare ve okofa la toarōrisa apeva la haikaea, aea pisosiape lea etau la taivotei maso toa, etau foromai la pisosiape Ualare la sukavuteaiape. Arero haria taivotai peava. Amene.

Ualare ve kitou kauri voa fauka pisiri muia vovea, karu sa leita kaiae aea Ualare la sukavuteaita lea mai foromai vei. Ere ereve kaiae sa okofa la sasauka vovea.

Lea vei Ualare erero paraea ere haikaeaita mai maealolo voa kiripōpe. Ereve uamori ere uamori heavita ita leita mai kofa la kiripi mai haria lei kaiae leiape. Heavita ta lōfeare, ere ua la leita mai kofa kiripi, elore elore maea la heoruka haihahari lei, heavita aea heavita aea ita maeamariti mai leiape; lea vei ere ereve mai kaiae ve tava ere ereve maea voa maravaiape reha. Ere Ualare la ereve haiiri sa seseōvi ore leiti vei haikaeai kasirau. Lōfeare vei Ualare erero paraea, ere haiiri mu eokere lei ere mai kaiae leiape

Ere elore maea haiore o ape, eite ere maeakakare. Ere peita Ualare ve sosorusosoru la toarōrisa, opaita etau ve ove, aea karu ve, aea ori ve, aea animala ve aea titita roroaita etau etau ita ve ove etau ita la pisosi maso lōri toaiape.