Popular Bible Verses from ဖိလိပ္ပိ 4

Share

နင်ရို့ တစ်ခု အကြောင်းအရာကိုလည်း ယူရို့ စိတ်မပူကတ်ကေ့။ ယင်းထက်ပင် နင်ရို့မာ ဟိသမျ လိုအပ်ချက် အကြောင်းအရာအတွက် ထာဝရဘုရားဘားမာ ဆုတောင်းကတ် အရာ နင်ရို့ ဆုတောင်းကတ်တေခါ အမြဲတိုင်း ထာဝရဘုရားကို ကျေးဇူးတင်ကတ်။

ယင်းပိုင်ဆိုကေ ထာဝရဘုရား၏ ငြိမ်းချမ်းခြင်းစာ နင်ရို့ နှလုံးသားန စိတ်ကို ကာကွယ်လိမည်၊ အကြောင်းကား နင်ရို့စာ ခရစ်တော်ယေရှုန တစ်ကိုယ်တည်း ဖြစ်ကတ်ပျာ။ ထိုငြိမ်းချမ်းခြင်းကို လူရို့ ညာဏ်ပညာန စဉ်းစားရို့လည်း နားမလည်နိုင်ကတ်။

ညီအစ်ကိုမောင်နမှရို့၊ အဆုံးမာ ငါ ပြောမည်၊ မှန်ကန်စာ၊ တင့်တယ်စာ၊ ရိုးသားစာ၊ စင်ကြယ်စာ၊ လှပစာ၊ ရိုသေခြင်းကို ရထိုက်စာ၊ ကောင်းမြတ်စာ အရာ ချီမွမ်းခြင်းကို ရထိုက်စာ အကြောင်းအရာတိကို စိတ်ဝင်စားကတ်။

ခရစ်တော်က ရလီစာ တန်ခိုးန ဟိသမျ အားကုံးကို ငါ ခံယူနိုင်ရေ။

နင်ရို့ အသျှင်န တစ်ကိုယ်တည်း ဖြစ်ကတ်တေအတွက်န အမြဲတိုင်း ဝမ်းသာကတ်။ ငါ အရာတစ်ပြန် ပြောရေ၊ နင်ရို့ ဝမ်းသာကတ်။

ခရစ်တော်ယေရှုဘားမာ ထာဝရဘုရား၏ ဘုန်းတန်ခိုးနပြည့်စုံစာ ဥစ္စာ ဟိရေ။ ထိုဥစ္စာက ယူရို့ နင်ရို့မာ ဟိသမျ လိုအပ်ချက်ကို ငါ့ထာဝရဘုရား ဖြည့်ပီးလိမည်။

နင်ရို့ ငါ့က သင်ယူလီစာ၊ လက်ခံယူလီစာ အရာ မြင်လီစာအတိုင်း နင်ရို့ လေ့ကျင့်နီကတ်။ ယင်းပိုင်ဆိုကေ ငြိမ်းချမ်းခြင်း၏ ထာဝရဘုရားစာ နင်ရို့နအတူ ဟိလိမည်။

နင်ရို့မာ နုညံ့စာ အကျင့်ကို အားကုံးသူ ရှိက ဖေါ်ပြကတ်။ အသျှင် အယင်အမြန် ကြွလာလိမည်။

ငတ်မွတ်ခြင်း ကျရေခါ ဖြစ်စီ၊ ချမ်းသာကြွယ်ဝရေခါ ဖြစ်စီ၊ ငါ နှစ်သက်ခြင်းစိတ်န နီဖို့တတ်တေ။ ဝရေခါ ဖြစ်စီ၊ ငတ်တေခါ ဖြစ်စီ အရာ ချမ်းသာကြွယ်ဝရေခါ ဖြစ်စီ၊ ဆင်းရဲပင်ပန်းရေခါ ဖြစ်စီ၊ အခြေအနေတိုင်းမာ ဇာပိုင် နှစ်သက်ခြင်းစိတ်န နီရဖို့လည်းဆိုစာကို ငါ သင်ယူပြီးဗျာ။

ငါ့မာ လိုအပ်ချက်တိအတွက်န ငါ ဒေ စကားတိကို ပြောစာ မဟုတ်၊ အကြောင်းကား ငါ အခြေအနေတိုင်းမာ နှစ်သက်ခြင်းစိတ်န နီဖို့တတ်ပျာ။