Popular Bible Verses from ဖိလိပ္ပိ 3

Share

ညီအစ်ကိုမောင်နမှရို့၊ ငါ ထိုဆုကို ဖမ်းရို့ ရဗျာ ဟို့ ငါ မမှတ်၊ ယေကေလည်း ငါ အမြဲတိုင်း ကြိုးစားနီစာတစ်ခု ဟိရေ။ ယင်းအဓိပ္ပါယ် ဖြစ်တေကား နောက်က ဟိသမျ အားကုံးကို မိဘိုက်ခရို့ ရှိကဟိစာ ဆုကို ဖမ်းဖို့အတွက် ငါ အားထုတ်ပြီးကေ ဗြီးရို့ လိုက်နီရေ။ ယင်းခါရာ ဂေါင်းခင်ဘုံမာဟိစာ ဆုကို ငါ ရနိုင်ဖို့။ ထာဝရဘုရားစာ ထိုဆုကို ပီးဖို့အတွက် ခရစ်တော်ယေရှုကနီရို့ ငါရို့ကို ခေါ်လီရေ။

ငါ ခရစ်တော်ကို သိချင်ရေ အရာ ခရစ်တော်ကို အရှင်လုပ်လီစာ တန်ခိုးကို သိချင်ရေ။ ငါ ခရစ်တော်ပိုင်တထန် ဒုက္ခ-ဝေဒနာကို ခံယူချင်ရေ။ ပြောလိုက်ဖို့ဆိုကေ သူအသီခံလီစာ စိတ်သဖေါကို ယူရို့ ငါလည်း အသီခံချင်ရေ။ ယင်းပိုင်ဆိုကေ ဇာမဆို ဖြစ်စီ ငါလည်း အမှန် သီရာက ပြန်ရှင်ထမြောင့်ဖို့။

အမှန် ငါ့မာ အသျှင်ယေရှုခရစ်တော်ကို သိရခြင်းစာ အားကုံးစာထက် အမြတ်ဆုံး ဖြစ်တေ။ ယင်းအတွက်န ထိုအကြောင်းအရာတိ ငါ့အတွက် တန်ဖိုးမဟိ ဟို့ ငါ မှတ်တေ။ ခရစ်တော်အတွက် ငါ ဟိသမျ အားကုံးကို အဆုံးခံဘိုက်လိုက်ပျာ။ ငါ ခရစ်တော်ကို ရချင်ရေ အရာ ခရစ်တော်န တစ်ကိုယ်တည်း ဖြစ်ချင်ရေ။ ယင်းအတွက်န ငါ ဟိသမျ အားကုံးကို အပုတ်အယွတ် ဟို့ မှတ်ပြီးကေ စွန့်ဘိုက်လိုက်ပျာ။ ငါ ပညှတ်တရားကို လိုက်နာရေအတွက်န ထာဝရဘုရား ငါ့ကို သူတော်ကောင်းအဖြစ် လက်ခံလီစာ မဟုတ်၊ ယေကေလည်း ခရစ်တော်ကို ကျုံရေအတွက်နရာ ငါ့ကို သူတော်ကောင်းအဖြစ် လက်ခံလီစာ ဖြစ်တေ။ ထိုသူတော်ကောင်းအဖြစ် လက်ခံခြင်းစာ ကျုံခြင်းကနီရို့ ထာဝရဘုရားက လာရေ။

အယင်ခါ ထိုဘာသာတရားကို လိုက်နာသူအနေန နီထိုင်လီစာ ငါ့မာ ဘဝစာ ငါ့အတွက် တန်ဖိုး ဟိလီရေ၊ ယေကေလည်း ငါ ခရစ်တော်ကို ရရေခါ ထိုအကြောင်းအရာတိ ငါ့ဘားမာ တစ်ခုလည်း တန်ဖိုး မဟိလိုက်ပျာ။