Popular Bible Verses from Htû̌sò̌htò̌ 18

Share

Cǒmara tûjû̌pwa̤ mî̌ he lǒ̤dû̌, he wî̤̌we̤dû̌ dǒ atònò, pwa̤ma̤lû̌htò̌ge he, he Cǒmaradû̌ mî̌ he lǒ̤dû̌ dǒ he lǎ̤ô̌û̌ ô̌tûdû. A mî̌ pwa̤takaǐ he sô̌sô̌kû̌ khada, pwa̤sîrîshû̌sho dǒ a ma̤lû̌htò̌ge he, he lǎ̤ô̌hǔ dǒ aměagle.

Cǒmaradû̌ aklè̌aklò numî̌ alǒbe mè̤̌mî̌ca. Cǒmara tûjû̌pwa̤ alě̤ayô̤̌nu asǔ tôcǒ tô̤̌. Kòyò dǒ a hèô̌ tûdû ô̌û̌bǐ anǎ̤ kû̌ a nutokhlǒ, a ma̤tugutakabǐ bǎ lû̌û lǒ̤ kû̌ khada.

He kwisǎyṳǐ Cǒmara tûjû̌pwa̤ dǒ kò gwǎ htû̌sò̌htò̌ǐ yǎ nutôpwa̤. A ma̤hǎplǎge he dǒ pwa̤khû̌khwè he nutokhlǒ acǔdekû.

Ǒ Cǒmara tûjû̌pwa̤, bǎ he kwisǎyṳǐ na ta̤ma̤jè̌ akhanumî̌, he tṳ̌bǎ ta̤gû̌ta̤gè̌ ajî̌ajû̌ akhanu hǒ. Na ô̌ dǒ nata̤lṳhtò̌hôkû dě na ganǎ̤de he lě̤ hǒ, na ganǎ̤de he kwihtò̌ na hǒ.

Ǒ Cǒmara tûjû̌pwa̤, na dǎlî bǎ he mî̌ko. Ǒ Cǒmaradû̌, ta̤khǐta̤lo̤nu na ma̤lîhtò̌ bǎ he.

A mî̌ Cǒmaradû̌ dǒ a ǐ he ta̤shû̌ta̤sho. Pwa̤ dǒ a ma̤tephekè bǎ he klè̌ dǒ adǐkhû̌dǐdò.

Cǒmara tûjû̌pwa̤nu a htûpwa̤ mî̌ca. Htû̌sò̌htò̌ǐ he Cǒmara dǒ asô̌sô̌kû̌ lǎ̤ô̌tûdû lǒ̤dû̌ nutôpwa̤. Kò gǔ bè̌htò̌yô̤̌ pû Cǒmara dǒ a ma̤hǎplǎ he nutôpwa̤ nî̌.