Popular Bible Verses from Htû̌sò̌htò̌ 143

Share

Na mî̌ he Cǒmaradû̌ akhû̌akhî, pô̤̌ na sǎyṳ no ma̤ henu sû̌ǐtòwòǐ he. Na yôla dǒ a ma̤bwǐma̤sîrî kòyònua gǔ sûcû̌ tû̌ he dǒ klè̌cǒklè̌tè̤nu nî̌.

He nǎla̤ǐ dǒ naô̌ akhû̌akhî, pṳ̂̌wô̤̌wô̤̌꤮ ǐ sî̌yahtò̌ he kû̌ nata̤mô̤ dǒ ahǎbòjò tô̤̌nu. He ǐlò̤ henǎ̤ dǒ nacudekû akhû̌akhî, he tôbǎ ma̤ hětènunè̌klè̌nè̌klò he.

Ǒ꤮ Cǒmara tûjû̌pwa̤, ma̤hǎplǎkè he dǒ pwa̤sǎkhě he tokhlǒ acǔdekû. He khlè̌hè ô̌tûdû hǒ dǒ naô̌.

Ǒ Cǒmara tûjû̌pwa̤, dǒ ta̤bè̌dubè̌nǎ̤ǐ nami̤ sîrîdû̌sîrîhtû ayanu, ǐ ô̌htûpwa̤ pô̤̌ he. Nacǒnatè̤ akhû̌akhî, ma̤hǎplǎ he kû̌ ta̤pò̤̌ta̤sha.

Ǒ꤮ Cǒmara tûjû̌pwa̤, ganǎ̤de kû̌ heta̤kwicaba, heta̤kwigwèbǎhtò̌ na ta̤ma̤jè̌nu. Na cǒtè̤ kû̌ nayô̤̌, na ô̌ kû̌ ta̤cǒta̤tè̤ akhû̌akhî, hî̌shǔ mò̌ he.

Ǒ꤮ Cǒmara tûjû̌pwa̤, he sǎphlǒpî̌ mî̌ca akhû̌akhî, hî̌shǔ mò̌ he. Kè̌khô̌kè tǎ̤ he mǎ̤. Kè̌mè̤̌tô̤̌ hî̌mî̌, he sô̌sô̌kè pwǎ kû̌ kòyò dǒ a lò̤tě̤ dǒ lṳ̌gǎnǎdokû nutôpwa̤.

He gènè̤htò̌ǐ lṳmṳ̌ni̤lṳmṳ̌sa dǒ atûlû̌ hto nutokhlǒ. He gènè̤ǐ lǒ̤bò ta̤ dǒ na ma̤ hto nutokhlǒ. He gènè̤ tě̤tě̤mè̤̌mè̤̌ lǒ̤bò ta̤ dǒ na ma̤ kû̌ nacǔde nutokhlǒ.