Popular Bible Verses from Roma 8

Share

Ma kulu thaitoomana na si do ki sui bana ka ra ofu uria lea la ifana toa na kera liothau atha God, toa eki na kera ailida mai sulia si do manatana e thathamii ilia.

Sulaania nau ku thaitoomana boo si do eri, ṉa maca e ai, mado ṉa marukia, mado aini angel ki, mado si do inoto ki, mado si do sukwai ki, mado si do ana to lakulua maṉa eri ki, mado si do ni u ki mai, Mado si do na kai fane da ia, mado si do na kai sifo ladoa, mado atona bana ta si do lau asi do na kera thauwanidaki, si talaana alu lakulua la kuki to eeta faisia liothau la tha God na ni atha Christ Jesus na Lord kulu.

Ka ’uria lau boo tha Spirit kai adomia feda lakulua: sulaania e ai kusi thaitoomana foa la ne kokoto; tha Spirit ana talani nia kai lae isatha God uri kulu ana kwai baita la sulia si do na kera dora ania ṉata la sulidaki

Sui si ta na kuki sorea sulia si do eki? Mada sa tha God kai adomi kulu, ni tei na kai maalimae iakulua?

Mania si maṉa eri e ai kesi sorea kwae lana toa eki na ni atha Christ Jesus, na kera abula sulia see imole e ai, sulia tha Spirit.

Uria na manatana see imole na ṉa maea; manatana tha Spirit na ṉa marukia ma enenoa

E ai, si kulu e tatha faamau fafia si do eki sui boo uria Wane eri ne liothau ani kulu.

Uria manataku na taa la eki na kulu to ania asi maṉa eri na tonee do na kesi toolaṉania bia inotoa na toto keki fatai nia uri kulu.

Ni tei na kai alu kulu kuki to eeta faisia liothau la tha Christ? to la ana taa la neri, mado fualaṉa, mado tona ilamatai la, mado thaofa, mado karaṉii talu la, mado to la karaṉia maea, mado nini ni firu?

Ma nia na ka rofe i la rurui imole ka thaitoomana manatana tha Spirit, sulaania e lae isana uria toa abu ki sulia si do na tha God e thathamia.

Sulaania toa eki sui boo na Spirit tha God ka talaida, kaluwane tha God ki na ni kera.

Sulaania toa na kera abula sulia see imole keka onotoona si do see imole ki; ma toa na kera abula sulia tha Spirit keka onotoona si do tha Spirit ki.

Nia ne ai si suusia taa la faisia Kaluwane nia i talaana, me alamatania uri kulu sui, e ai si tona falea bana si do ki sui bana iakulua bi nia?

Tha Spirit talani nia ka faamamanea bia spirit kulu si do nia thaitoomana, na kulu wela tha God ki: Ma mada sa kulu wela nia ki, kuki ṉalia lau boo ta si asi do nia ki; kuki ṉalia ta si asi do tha God ki, ma kuki ṉalia ofu bia tha Christ; mada sa kuki to ana taa la ofu bi nia, fasi keki faainoto kulu ofu lau boo bi nia.

Sulaania manatana see imole e to ni firu la bia tha God; uria ne ai si roo sulia ṉa lo tha God, ka dora bana ania roo la sulia

Sulaania manatatoo ṉado la, na si do ki sui bana na kera thauwai nia ka manatatoo ṉado faamau ania, ka maakwalia fatai lana kaluwane tha God ki.

Sulaania kulu thaitoomana si do eki sui bana na kera thauwai nia ka to ofu ana kwai baita la ma fiwela la ka fula asi maṉa eri.