Popular Bible Verses from Ta̤htû̌sò̌ǐ 18

Share

Cǒmara tûjûpwa̤ mî̌ helo̤dû̌, hewî̤we̤dû̌ htě atònò, pwa̤ma̤lû̌htò̌ge he, hecǒmaradû̌ mî̌ helo̤dû̌ htě he la̤ǒhǔ tûdû. A mî̌ pwa̤ma̤kwaǐ he lò̤ta gòtò̤, pwa̤sîrîshû̌sho htě a ma̤lû̌htò̌ge he, hela̤ǒhǔ htě aměagle.

Cǒmaradû̌ aklè̌aklò numî̌ alǒbe. Cǒmara tûjûpwa̤ ale̤ayo̤ htǒonu asǔ dǐcǎ꤮ tò̤. Kòyò htě a hèǒ tûdû hǔbǐ ana̤ ta anu toǒ, a ma̤kwadǐdòbǐ bǎ nû̌û lò̤ta gòtò̤.

He kwigwèbǎǐ Cǒmara tûjûpwa̤ htě kò gwa htû̌sò̌ǐ htǒotapwa̤. A ma̤lû̌htò̌ge he dě pwa̤sò̌khě he toǒ acǔdekû.

Kǒ Cǒmara tûjûpwa̤, bǎ he kwigwèbǎǐ na ta̤ma̤jè akhanumî̌, he shěto̤bǎ ta ta̤guta̤gè ajîajû akhanu hǒ. Na ǒ dě nata̤lṳhtò̌hokû dě na gana̤de he yo̤ hǒ, na gana̤de hekwihtò̌ na hǒ.

Kǒ Cǒmara tûjûpwa̤, na dǎlî bǎ he mî̌ko. Kǒ Cǒmaradû̌, ta̤khî̌ta̤lo̤htǒo na ma̤lîhtò̌ bǎ he hǒ.

A mî̌ Cǒmaradû̌ htě a ǐ he ta̤khû̌ta̤ǎ. Pwa̤ htě a ma̤ phlophlǔ bǎ he klè̌.

Cǒmara tûjûpwa̤htǒo a htûpwa̤ mè̤mè̤̌. Htû̌sò̌ǐ hecǒmara htě asǒsǒta la̤ǒtûdû lo̤dû̌ htǒotapwa̤. Kò bè̌htò̌yî̤ tû̌ta Cǒmara htě a ma̤lû̌htò̌ge he htǒotapwa̤ nî̌.