Popular Bible Verses from ᤔᤳᤋᤡ 7

Share

“ᤏᤠ᤺ᤰᤋᤧᤶᤔᤧ᤹. ᤜᤧᤰᤁᤩᤠᤱ ᤂᤡᤏᤡ᤹ ᤁᤧᤶᤒᤡᤖᤡ᤹॥ ᤁᤥ᤺ᤳᤋᤧᤶᤔᤧ᤹. ᤜᤧᤰᤁᤩᤠᤱ ᤂᤡᤏᤡ᤹ ᤁᤧᤄᤥᤛᤢᤶ॥ ᤗᤠᤶᤎᤣ᤺ᤵᤐᤥ ᤐᤣᤃᤧᤶᤔᤧ᤹ᤀᤠᤱ ᤂᤰᤂᤰ ᤔᤧᤳᤋᤧᤶᤔᤧ᤹ ᤜᤧᤰᤁᤩᤠᤱ ᤂᤡᤏᤡ᤹ ᤗᤠᤃᤡ ᤜᤴᤗᤥ॥

ᤌᤣᤀᤠᤱᤓᤧᤸᤗᤧ ᤁᤧᤏᤠ᤺ᤰᤐᤠᤜᤠ᤹ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤐᤡᤖᤢᤛᤡ᤹. ᤁᤧᤃᤥ᤺ᤵᤐᤠᤜᤠ᤹ᤖᤧ ᤔᤧᤄᤥᤛᤢ᤹. ᤜᤧᤰᤁᤩᤠᤱ ᤗᤠᤶᤎᤣ᤺ᤵᤐᤥ ᤁᤧᤒᤣ᤺ᤰᤐᤠᤀᤠᤱ ᤂᤰᤂᤰ ᤁᤧᤔᤧᤵᤐᤠᤜᤠ᤹ ᤂᤢᤏᤧ᤹ ᤗᤠᤶᤎᤣ᤺ᤵᤐᤧᤴ ᤜᤴᤍᤢ ᤐᤡᤖᤢᤛᤡ᤹ᤖᤥ॥

ᤀᤠᤸᤗ “ᤂᤧᤸᤗᤧᤆᤥᤃᤢᤸᤗᤧ ᤐᤣᤗᤡᤃᤧᤴ ᤀᤠᤒᤠ᤺ᤴᤈᤠᤰ ᤁᤧᤄᤧᤶᤒᤠᤀᤠᤱ ᤜᤧᤰᤁᤣ ᤁᤧᤈᤥ᤺ᤰᤐᤧᤱᤃ ᤐᤕᤶ ᤕᤶᤒᤠ ᤗᤢᤱᤛᤶᤍᤠᤱ ᤜᤡᤶᤐᤠᤱᤕᤰ ᤁᤧᤏᤧᤒᤠᤀᤠᤱ ᤜᤡᤶ ᤁᤧᤈᤥ᤺ᤰᤐᤠ ᤛᤡᤰᤁᤢᤶᤒᤠ ᤔᤏᤠ ᤁᤢᤀᤡᤛᤡᤰ ᤆᤥᤰᤗᤥ॥

“ᤁᤧᤖᤧᤰ ᤐᤠ᤺ᤴᤏᤥ ᤔᤏᤠᤜᤠ᤹ᤖᤧ ᤀᤠᤰᤂᤣᤗ᤹ᤖᤡᤰ ᤂᤡᤏᤡ᤹ ᤁᤧᤶᤔᤧᤳᤋᤡ ᤁᤧᤶᤀᤡ᤺ᤳᤋᤡᤒᤠ ᤏᤡᤱᤘᤠ᤹ ᤁᤧᤈᤥᤃᤢᤶ. ᤜᤧᤰᤁᤣᤗ᤹ᤖᤡᤰᤁᤣ ᤂᤡᤏᤡ᤹ᤀᤠᤱ ᤂᤧᤱᤜᤠ᤹ ᤀᤡ᤺ᤳᤋᤧᤶᤛᤡᤶᤔᤧ᤹ᤀᤥ. ᤌᤣᤀᤠᤱᤓᤧᤸᤗᤧ ᤁᤴ ᤌᤡᤶᤔᤥ ᤔᤥᤛᤠᤖᤧ ᤛᤠᤵᤋᤢᤒᤠ ᤛᤠᤶᤕᤥᤌᤡᤶ ᤏᤢ ᤔᤠᤱᤏᤡᤱᤘᤠ᤹ᤐᤠᤴ ᤁᤧᤒᤠ᤺ᤵᤐᤠᤜᤠ᤹ᤖᤧ ᤔᤧᤒᤠ᤺ᤳᤋᤢᤒᤠ ᤐᤠ᤺ᤴᤏᤡᤴ ᤁᤧᤳᤗᤥ॥”

ᤁᤖ ᤆᤢᤰᤛᤠ ᤗᤠ᤺ᤵᤔᤠᤍᤧᤴ ᤏᤢ ᤆᤡᤓᤡ᤺ᤵᤑᤡ᤺ᤵᤐᤠ ᤗᤠᤶᤔᤡᤸᤗᤧᤃ ᤔᤧᤴᤏᤢᤵᤔᤏᤠᤒᤠ ᤜᤡᤱᤔᤴᤏᤥ ᤁᤧᤍᤣ᤹ᤖᤡ᤹ᤖᤥ॥ ᤂᤧᤴ ᤁᤧᤄᤥᤒᤠᤜᤠ᤹ᤃ ᤔᤡᤛᤠᤰᤗᤰ ᤔᤧᤒᤥᤱᤗᤥ॥”

“ᤆᤡᤓᤡ᤺ᤵᤑᤡ᤺ᤵᤐᤠ ᤗᤠ᤺ᤵᤔᤠᤍᤧᤴᤏᤥᤗᤠᤶ ᤏᤡᤱᤘᤠ᤹ᤑᤢᤜᤠᤱᤈᤢᤶᤔᤥ ᤗᤠᤛᤧᤶᤔᤧ᤹ᤀᤥ. ᤌᤣᤀᤠᤱᤓᤧᤸᤗᤧ ᤕᤶᤒᤠ ᤗᤠ᤺ᤵᤔᤠᤍᤧᤴ ᤏᤢ ᤋᤠᤶᤍᤠᤶᤒᤠ ᤗᤠᤶᤔᤡᤸᤗᤧᤃ ᤔᤧᤰᤔᤠᤀᤥ ᤁᤧᤍᤣ᤹ᤖᤡ᤹ᤖᤥ॥ ᤂᤧᤴᤗᤠᤶᤒᤠ ᤕᤖᤡᤰ ᤔᤏᤠᤜᤠ᤹ ᤔᤧᤗᤠ᤺ᤳᤗᤥ॥

ᤂᤡᤏᤡ᤹ ᤏᤡᤱᤘᤠ᤹ ᤁᤧᤓᤧ᤹ᤒᤠ ᤁᤧᤈᤥᤃᤡᤛᤠᤱ ᤂᤡᤏᤡ᤹ ᤛᤠᤜᤠ᤹ᤖᤧ ᤔᤧᤏᤠ᤺ᤰᤋᤢᤸᤗᤧ ᤏᤢᤒᤠ ᤐᤠ᤺ᤴᤜᤠ᤹ ᤐᤡᤔᤠ ᤁᤧᤗᤧᤛ᤻ᤛᤢᤶᤏᤧ ᤑᤠ᤹ᤃᤪ. ᤂᤧᤴᤏᤢ᤺ᤸᤗᤧᤀᤠᤱ ᤕᤖᤡᤰ ᤂᤡᤏᤡ᤹ ᤛᤠᤱᤃᤪᤠᤶᤐᤣᤍᤠᤱᤅᤥᤒᤠ ᤐᤠᤏᤢᤍᤡᤱ ᤐᤠ᤺ᤸᤗᤧ ᤂᤢᤏᤧ᤹ ᤁᤧᤏᤠ᤺ᤰᤐᤠᤜᤠ᤹ ᤏᤢᤒᤠ ᤐᤠ᤺ᤴᤜᤠ᤹ ᤐᤡᤖᤢᤛᤡ᤹ᤖᤥ॥”

ᤕᤧᤛᤢᤖᤧ ᤕᤠᤶᤔᤥ ᤐᤠ᤺ᤳᤋᤢ. “ᤔᤏᤠᤜᤠ᤹ ᤐᤠᤴ ᤔᤧᤎᤡᤰᤋᤧᤶᤛᤡᤶᤔᤧᤴᤏᤧ᤹. ᤜᤧᤰᤁᤣᤗ᤹ᤖᤡᤰ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤡᤏᤡ᤹ᤀᤠᤱ ᤐᤠᤴ ᤁᤧᤴᤎᤡᤰᤋᤡᤴᤗᤥ॥ ᤘᤣ᤹ᤜᤠ᤹ ᤐᤠᤴ ᤁᤧᤎᤡᤰᤋᤢᤶᤛᤡᤶᤒᤠ ᤜᤧᤰᤁᤣᤀᤣ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤡᤏᤡ᤹ᤀᤠᤱ ᤐᤠᤴ ᤁᤧᤎᤡᤰᤋᤡ᤹ᤖᤥ॥ ᤀᤠᤰᤂᤣᤗ᤹ᤖᤡᤰ ᤘᤣ᤹ᤜᤠ᤹ ᤁᤧᤔᤧᤳᤋᤢᤶᤛᤡᤶ. ᤒᤠ ᤜᤧᤰᤁᤣᤗ᤹ᤖᤡᤰᤁᤣ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤡᤏᤡ᤹ᤀᤠᤱ ᤁᤧᤔᤧᤳᤋᤡ᤹ᤖᤥ॥

ᤁᤖ ᤐᤣᤗᤡᤃᤧᤴ ᤀᤠᤒᤠ᤺ᤴᤈᤠᤰᤁᤡᤴ ᤁᤧᤄᤧᤶᤒᤠᤀᤠᤱ ᤜᤧᤰᤁᤣ ᤔᤧᤴᤈᤥ᤺ᤰᤔᤏᤠᤒᤠᤱᤃ ᤕᤧ᤺ᤱᤄᤠᤀᤥ ᤜᤡᤶᤐᤠᤱᤕᤰ ᤁᤧᤏᤧᤒᤠᤀᤠᤱ ᤜᤡᤶ ᤁᤧᤈᤥ᤺ᤰᤐᤠ ᤀᤍᤱ ᤔᤏᤠ ᤁᤢᤀᤡᤛᤡᤰ ᤆᤥᤰᤗᤥ॥

“ᤀᤠᤒᤠᤅᤣ ᤔᤡᤰᤁᤥ ᤛᤡᤱᤄᤱ ᤔᤧᤴᤏᤡ᤺ᤔᤏᤠᤒᤠᤸᤗᤧ ᤀᤠᤰᤂᤣᤗ᤹ᤖᤡᤰ ᤁᤧᤴᤛᤠ᤹ᤖᤧ ᤁᤢᤔᤡᤰᤁᤥᤒᤠ ᤛᤠᤵᤛᤣ᤺ᤰᤁᤡᤴ ᤁᤧᤏᤡᤛᤢᤒᤣ᥅ ᤀᤠᤒᤠᤅᤣ ᤔᤡᤰᤁᤥ ᤛᤡᤱᤄᤱ ᤔᤧᤴᤏᤡ᤺ᤔᤏᤠᤒᤠᤸᤗᤧ ᤀᤠᤰᤂᤣᤗ᤹ᤖᤡᤰ ᤁᤧᤴᤛᤠ᤹ᤀᤡᤴ ᤁᤧᤔᤡᤰᤁᤥᤒᤠ ᤛᤠᤵᤛᤣ᤺ᤰᤁᤡᤴ ᤗ᤺ᤳᤋᤢᤱ ᤐᤡᤏᤧ ᤑᤠ᤹ᤀᤠᤱ ᤔᤧᤵᤔᤠ ᤁᤧᤛᤢᤰᤋᤢᤒᤣ᥅

“ᤀᤡᤱᤗᤧᤰᤐᤠ ᤔᤠᤱᤏᤡᤱᤘᤠ᤹ᤐᤠᤴ ᤁᤧᤒᤠ᤺ᤵᤐᤠᤜᤠ᤹ᤏᤢ ᤛᤡᤱᤛᤡᤱ ᤕᤧᤰᤕᤧᤰ ᤗ᤹ᤖᤧᤶᤔᤧ᤹ᤀᤥ. ᤂᤧᤱᤜᤠ᤹ᤃ ᤗᤠ᤺ᤰᤁᤠᤳᤗᤠᤶ ᤔᤧᤸᤗᤢᤰ ᤁᤢᤀᤡᤛᤡᤰ ᤔᤧᤗᤧᤱᤛᤡᤱᤅᤠᤱ ᤂᤡᤏᤡ᤹ᤀᤥ ᤔᤧᤍᤠᤖᤥ. ᤁᤖ ᤛᤡᤃᤠᤱᤃ ᤂᤧᤱᤜᤠ᤹ ᤁᤡᤵᤔᤠ ᤁᤧᤄᤢᤒᤠ ᤐᤖᤠᤒᤠᤛᤡᤖᤥ॥ ᤂᤧᤱᤜᤠ᤹ᤖᤧ ᤔᤧᤈᤥᤃᤢᤒᤠ ᤂᤢᤏᤡ᤹ ᤕᤠ᤺ᤶᤒᤰᤁᤥᤗᤠᤶ ᤂᤧᤱᤜᤠ᤹ ᤁᤢᤛᤡᤱ ᤁᤧᤏᤡ᤺ᤳᤋᤢᤶᤛᤡᤶᤗᤥ॥ ᤌᤣᤀᤠᤱᤓᤧᤸᤗᤧ ᤔᤏᤠᤜᤠ᤹ᤖᤧ ᤋᤡᤱᤃᤪᤣᤰ ᤐᤥ᤺ᤰᤗᤠᤀᤥᤗᤠᤶ ᤆᤧᤸᤗᤧᤰᤛᤣ᤹ ᤏᤢ ᤛᤡᤎᤪᤠ᤺ᤰᤐᤥᤗᤠᤶ ᤐ᤺ᤳᤇᤣ᤹ᤀᤡᤴ ᤔᤧᤴᤍᤢᤒᤢᤴᤗᤥ॥

ᤜᤧᤰᤁᤣᤗ᤹ᤖᤡᤰᤁᤣ ᤁᤧᤖᤧᤰ ᤏᤢᤒᤠ ᤛᤡᤱᤒᤢᤱᤅᤥ ᤏᤢᤒᤠᤀᤣ ᤛᤡᤱᤛᤣ᤹ᤀᤡᤴ ᤌᤥ᤺ᤰᤗᤥ. ᤜᤧᤰᤁᤩᤠᤱ ᤋᤠᤵᤑᤧ᤺ᤶᤒᤠ ᤛᤡᤱᤒᤢᤱᤅᤥ ᤋᤠᤵᤑᤧ᤺ᤶᤒᤠᤀᤣ ᤛᤡᤱᤛᤣ᤹ᤀᤡᤴ ᤌᤥ᤺ᤰᤗᤥ॥

ᤜᤧᤰᤁᤩᤠᤱ ᤏᤢᤒᤠ ᤛᤡᤱᤒᤢᤱᤅᤥ ᤋᤠᤵᤑᤧ᤺ᤶᤒᤠ ᤛᤡᤱᤛᤣ᤹ᤀᤡᤴ ᤔᤧᤎᤥ᤺ᤰᤏᤧᤴᤗᤥ. ᤜᤧᤰᤁᤩᤠᤱ ᤋᤠᤵᤑᤧ᤺ᤶᤒᤠ ᤛᤡᤱᤒᤢᤱᤅᤥ ᤏᤢᤒᤠ ᤛᤡᤱᤛᤣ᤹ᤀᤡᤴ ᤔᤧᤎᤥ᤺ᤰᤏᤧᤴᤗᤥ॥

ᤜᤧᤰᤁᤣᤗ᤹ᤖᤡᤰ ᤏᤢᤒᤠ ᤛᤡᤱᤛᤣ᤹ ᤔᤧᤴᤎᤥ᤺ᤰᤔᤏᤠ ᤁᤧᤖᤧᤰ ᤛᤡᤱᤒᤢᤱᤜᤠ᤹ ᤋᤠᤱᤔᤠᤀᤠᤱ ᤔᤡᤀᤥ ᤗᤠᤵᤑᤢᤔᤠ ᤐᤥᤱᤗᤥ॥