Popular Bible Verses from 羅馬書 3

Share

因為所有的人攏犯罪，致到上帝的榮光得𣍐著； 不過，對上帝所賜白白的恩典，通過基督耶穌完成的救贖，人通及上帝有合宜的關係。

及上帝建立合宜的關係是通過信耶穌基督。上帝按呢對待所有信基督的人，攏無差別。

上帝立耶穌作贖罪祭，通過伊的死，互人對信來得著赦罪。上帝用按呢來顯明伊的義。佇過去，伊用耐心對待人，寬容𪜶以前所犯的罪， 欲佇現今此個時顯明伊家己是義，閣互信耶穌的人及伊有合宜的關係。

所以無人靠守律法的條文會互上帝宣判做義人；對律法，人才知什麼是罪。

抵照聖經所記載： 攏無義人， 連一個都無！ 無曉悟的人； 攏無人尋求上帝。 人攏背叛上帝， 攏行迷路； 攏無人做好事， 連一個都無！

所以，阮認定，人及上帝建立合宜的關係，毋是靠守律法的行為，只有對信。

絕對𣍐！甚至所有的人攏白賊，上帝亦一定是真實。照聖經所記載： 你責備的時，顯出公義； 你受控告的時，會勝訴。