Popular Bible Verses from 哥林多後書 5

Share

按呢，無論什麼人，若及基督結連就是新創造的人；舊的已經過去，今攏變做新的。

上帝互無罪的基督為著咱的緣故成做有罪，互咱通靠基督及上帝建立合宜的關係。

因為咱啲活，毋是靠目睭看，是靠信心。

諸個一切攏是上帝的作為；伊通過基督互咱及伊閣和好，閣將互人及伊和好的職務交代阮。 阮所傳的信息是按呢：上帝通過基督互世間人及伊和好，無閣追究𪜶的罪過，閣將此個和好的信息交託阮。

所以，阮作基督的大使，上帝通過阮給恁苦勸。阮替基督給恁求，著及上帝和好。

伊為著眾人死，是欲互許個活啲的人無閣為著家己活，是為著彼位替𪜶死閣活的基督來活。 所以，對今以後阮無閣根據人的標準識人。雖然阮曾用人的標準識基督，毋拘現在無閣按呢識伊。

因為基督的疼催迫阮做此個結論：一人為著眾人死，眾人就攏死。