Popular Bible Verses from 哥林多後書 4

Share

阮所重視的毋是看會著的，是看𣍐著的；因為看會著的是暫時，看𣍐著的是永遠。

因為按呢，阮無失志。雖然阮外在的人漸漸啲衰敗，阮內在的人卻日日啲換新。 阮所受此個暫時閣小可的艱苦是欲互阮得著𣍐通比，閣較大，永遠的榮光。

阮常常抵著逐款困難，毋拘無屈服；抵著絕境，毋拘無絕望； 受著窘迫，毋拘無受放拺；受拍倒，毋拘無致到死。

不過，阮是土造的器具，內面有寶貝，欲表示彼個至大的能力是屬佇上帝，毋是對阮出來。

𪜶毋信是因為此世間的神明互𪜶的心目失明，𣍐當看見福音的光，此個福音啲見證榮光的基督；基督是上帝的形像。

彼位命令光對烏暗照出來的上帝，就是用光照咱內心的上帝，互咱認識伊照佇耶穌基督的面彼個榮光。