Popular Bible Verses from Chim-giân 14

Share

Ū chi̍t tiâu lō͘ khòaⁿ--khí-lâi chiàⁿ koh ti̍t, kàu-bé thàng kàu sí-bông.

Sim pêng-chēng hō͘ sin-thé kiān-khong; oàn-tò͘ hō͘ kut-thâu hiú-nōa.

Bōe khoài siū-khì sī tōa chhong-bêng; bô nāi-sim--ê hián-chhut gû-gōng.

Tì-hūi ê hū-jîn-lâng kiàn-li̍p ka-kī ê ka-têng; gû-gōng ê hū-jîn-lâng chhin-chhiú thiah-húi.

Kèng-ùi Siōng Chú ū kian-kò͘ ê óa-khò; i ê kiáⁿ-jî ū tô-siám ê só͘-chāi.

Kèng-ùi Siōng Chú sī oa̍h-miā ê chúi-chôaⁿ, hō͘ lâng bián hām-lo̍h sí-bông ê lô-bāng.

Tì-hūi ê lâng sū-sū kín-sīn, oán-lī pháiⁿ-tāi; gōng-lâng kiau-ngō͘ hòng-sù.