Popular Bible Verses from Chim-giân 13

Share

Kap tì-hūi ê lâng tâng-kiâⁿ chiū ū tì-hūi; kap gōng-lâng choh-phōaⁿ ōe siū siong-hāi.

Iok-sok chhùi-chi̍h, pó-choân sìⁿ-miā; sûi-piān khui-chhùi, tì-kàu húi-bia̍t.

M̄-kam chek-hoa̍t kiáⁿ-jî sī bô thiàⁿ in; nā thiàⁿ in, chiū tio̍h chiàu-sî chek-tok.

Só͘ ǹg-bāng--ê kú bô si̍t-hiān, sim chiū thòng-khó͘ sit-chì; só͘ ì-ài--ê chi̍t-ē si̍t-hiān, sìⁿ-miā chiū chhiong-móa oa̍h-le̍k.

Kong-gī pó-hō͘ chèng-ti̍t ê lâng; siâ-ok pāi-hoāi ū-chōe ê lâng.

M̄-sī phah-piàⁿ tit--tio̍h ê chîⁿ ōe ná kiám-chió; lâu-kōaⁿ chek-chū ê chîⁿ ōe ná ke-thiⁿ.

Kiau-ngō͘ it-tēng khí saⁿ-chiⁿ; thiaⁿ lâng khó͘-khǹg ū tì-hūi.

Hó-lâng lâu sán-gia̍p hō͘ kiáⁿ-sun; chōe-jîn chek-chū ê châi-hù chòe-āu kui gī-lâng.

Tì-hūi ê kiáⁿ thiaⁿ-thàn lāu-pē ê kàu-tō; chū-ko chū-tāi ê lâng m̄ thiaⁿ chek-pī.

Kū-choa̍t kàu-tok, ōe tì-kàu sàn-chhiah kiàn-siàu; goān-ì siū chek-pī, ōe siū kèng-tiōng.