Popular Bible Verses from At Nafasure 11

Share

Ay at fafituk tagfabarita nauyup at fagbudyungan, ay sas banwa e naelongan dawdaw te, “Katsi tam Fun Isus, Diyus at nafili, nanmagurang wa sas fagdaul daga, ay nu gmagurang yud e fakatabuwan.”

At ngay taw sas fagayu talun kadotama dawdaw sa emu. Ay am fandotaman insure sa anya. Ay indasug wan at ngay menit, laman e tumap at ngay kinkate at asalanan, ay laman e mon sam ngay fanuguwan at natvngvdan, ay sam ngay taglong, ay sam ngay taw, ay anggan sas fagayu at takalimu emu, dewa at madaragang ay at yud madaragang, ay laman nanfamin ban ngay taw tagfauri tibak taw sas wa daga.”

Ay mon akban sik fagmadaragangun sa ku duwak tagfatuyan, at kadugayan 1,260k menit, laman kanya nanfoyung ku longan. Kadugenya ban kanya gbalukasan saku.”

Ay nu nlangfe wa tuluk menit kalati, Diyus gdog yay nafaleleg ka fag duwak taglong. Ay rodi kanya nlindug. Ay kayu at nalag anya, kalimu dawdaw.

Ay ka fag duwak tagfatuyan e fagmadaragangun mafatuwas moyan kaduge gfoyung. Ay e fagmadaragangun yangay gfe taguk sa sangay safa. Ay anggan e fagmadaragangun yangay gfe daylan sas fagdaul daga at taw, nus nga ginain at fakaumsigun.

Kanya fag duwak tagfatuyan kata duwak kayu ulibu ay kata duwak salung. Kanya fag duwa malindug sis Fun sas fagdaul daga at akbang. Ay nus nga sinu at tagamatangan nu gfauri ka fag duwak tagfatuyan, sik afuy malfas siginan at bibig ay matas at ngay fabarangyan. Ay nus nga sinu at tagamatangan nu gfauri ka fag duwak tagfatuyan, katanya fag faran nu gfate.