Popular Bible Verses from Filipus 1

Share

Ay ebi tam Diyus, nafasigad nu gfaamatanganan ayu sat masine baliwa. Ay gsaful kway te, tam Diyus ban igfaugat tuwa gugat gugat nu gfaamatanganan ayu sat masine, yap ngay tam Fun Isus indasug ste swa daga. Ay ginanya long ban, tam Diyus, nafasine wa fiya fiya antam.

Ku ngay fadugsay, igdarangin aw ayu sa tam Diyus te, laman ginkugatan tuwa nu an am kesug ay iba. Ay laman kaugat yangay nu gsaful am tam Diyus. Ay gdarangin kyangay te, laman tam Diyus igfon ayu fagsafulun, laman gtoglag tuwam at masine ay at mauri. Fakatanyaun ku darangin, laman sumaful tuwam igfili at masine fiya fiya fag fagbulun. Ay nu katanya tuwa, gina ban tam Fun Isus indasug, masine wa long dawdaw ay ugali, ay wa long ban e gfayud ayu

Ay nu gtunglus tuwa nu gleleg aw, tunglusanan yangay nu gfagurungan aw tam Fun Isus at ngay fasadan. Ay glabi yay siring kamasine, nu mkate kwan, teway suma kwa tam Fun at day tigyangan.

Ku ngay fadugsay, kayu ginan aw gamatangan ayu, guseganan aktuwa sa tam Diyus.

Ku fagalongun fiya fiya sa ayu, nu gafanud watam at Masine fag Barita, te tam Fun Isus nafalangfe tuwa antam, fasurei tuwa si tam leleganan, te, itam wa fiya at nafalangfe fag ngay taw. Ay nu katanya tuwa ay fagbulun, dewa tam gyayuwan, dumungug aktuwa. Ay gina ban aw umdasug sanya si ayu, lumag aktuwa ay fagbulun, te, masadi tuwam, ay matvngvd tuwam. Ay igtarabangan tuwam igfamoyung sat yud gafanud te, “Afanudi tuwa at Masine fag Barita.”

Ku ngay fadugsay, ebi ginan, dakdi kalimu igfaning tam Fun. Ay katsi igfanseg aw fiya fiya te, tunglus tuwa ban nu gyud aw kalimu. Dakdi ban nangus e nafagbulun mapla sa tam Fun. Ay dewa te, umkate kwan, ay dewa te, igleleg kyay, ku ngay nafagbulun wan tagfasaful, te, tam Fun Isus madaragang wa fiya.

Ebi, tam Diyus infanyu tuway antam, nafon antam sik lungud, laman gafanud tam sa tam Fun Isus. Ay katsi, gafanud watam fiya. Ay tam Diyus gtunglus tuway nu kafanyu antam, nafon yangay antam sik lungud. Ay roro kanya mangaro fag lungud, igfadasug way mangaro sa antam sik ngay mataka. Roro fakatanyaun tam Diyus at fagbulun sa antam, kaduge tam igbaris kanya fag ngay mataka, igfalag tam sa sangay taw te, itam wa fiya tam Fun Isus at ngay taw.