Popular Bible Verses from Matiyu 7

Share

“Eti sas Diyus, kanya mon sa ayu. Sarapi, ay lumag am. Atuki, ay e lumuwang sa ayu.

Anway fagayu taget, mafafabul wa fiya. Ay fagayu tagsarap, lumag wa fiya. Ay fagayu takatuk, e lumuwang wa fiya sa anya.

“Nus nga sinu tagdungugan ay tagfaning ku ngay foyungan, kanya kata sik taw at ke fagsafulun nu gbale, at turuk mafatungkudan tuwa sa sik batu.

“Ay nus nge wain ay fakaumsigun ay iba at fagbulun sa ayu, katanyai yangay ay fagbulun sa anya. Katanya tuwa tagfaning Muisis at Suguwan ay Diyus at ngay taglong ebi at ngay foyungan.”

Ay roro at alay fag sakbawan ay at mataka fag dalan sa tuwas leleg at yud e fakatabuwan, ay wa ngayu taglo sanya fag dalan.”

“Sakboi sat alay fag sakbawan, anway tagbvt fag sakbawan ay marafad fag dalan sa ways fakateun, ay ngayu at taglo sanya fag dalan.

Ay dewa am sik ngay mauri fag taw, gsaful tuwam gfon at masine sa ay sisiyan, ay ay Tama sas banwa glabi yay fiya fiya nu gfon. Ay nus nga sinu taget sa anya, kanya gfon tuwa nus nge wain at masine.

“Lag am gamatangan sa baliwa ay iba te, mauri at fagbulun, laman ban Diyus di gfoyung te, mauri yangay ay fagbulun. Anway nus nga setaw ay amatanganan at mauri sa ay iba, katanya yangay ban ay iba at amatanganan sa ayu.

Ay nus nga sinu tagdungugan ku ngay foyungan ay nu dway gfaning, kanya kata way sik taw at yud e fagsafulun nu gbale sisad lagnas.

Taw ro am fagnalongun sa am fadugsay te, ‘Ganamata wo,’ ay si emu ngap am namata sik kayu tuwa daw. Setain ro nu mafafalong o sa am fadugsay te, ‘Igtarabang kwa emu gbul am namata,’ ay si emu ngap am namata sik kayu tuwa daw.

“Tagaki sa at yud matuyan fag ngay taglong. Kanya kakbang ayu kata sik tupa magup, ay roro at matuyan, kanya kata way tagfangagat sik idu talun. Ay sumaful ban am at ugali anway kalag sat ngay fagbulun. Sik sabinit wa gbuwadan masine.

At masine fag kayu gbuwadan tuwa masine, ay at yud masine fag kayu wa gbuwadan masine.

At masine fag kayu wa gbuwadan yud masine. Ay at yud masine fag kayu wa gbuwadan masine.

Ay fagayu kayu nu dway gbuwadan masine, e muwan wa ban ay e mukas wa sasad afuy.