Popular Bible Verses from Matiyu 10

Share

“Amatangani, gsugu akwa ayu kata sik ngay tupa sas wa idu talun. Ay am, matagakani tuwa kata sik ubyanun nu matagakan. Ay malukmei yangay katvngvd sik linatad nu malukme.

Ay nus nga sinu fag taw nu kesug way at leleg katsi, malyam wa ban at leleg. Ay nus nga sinu tagfon at leleg katsi, laman e fanambagun aw, ka fag taw ban e leleg tuwa faggugat.”

Ay lag kalimu at tagfate ayu, anway we mafafate ay falad. Ay fakalimuun antuwa Diyus, anway kanya mafafate ayu, ay mafafatsa sas lino afuy ay falad.

Ay sik taw nu dway gfasan at salibagan kayu ay nu dway gfaning angku, kanya wa maumsig sa angku.

“Sik taw nu nafoyung tuwa tiba te, ‘Aw, gafanud aw sas Isus,’ anggan aw, gfoyung akyangay ban sa ku Mama sas banwa te, ‘Kanya ku taw.’ Roro ngap, kanya fag taw nu kamayud way angku katsi sa tiba, anggan aw, kamayud akyangay ban anya sa ku Mama sas banwa.”

Ay fafiyai at ke ngay daylan, ay falelegi at ngay kinkate, ay fafiyai at ke ngay mason fag daylan sit balat, ay ayani at ngay mafurat fag falad siginan sangay taw. Nafon aw sa ayu yud e fansali, nu katanya, foni yangay yud e fansali.

Nu katanya, lag kalimu, Diyus nu kesug ayu glabi yay fiya fiya sik ngay maya.”

“Lag am gamatangan te, ku fagnastiyeun nanfanabayan aw at ngay taw ste swa daga. Ku fagnastiyeun anyay te, nanfasadsamanan akway at ngay taw. Sik baguwama ban gfaringangan sat tama. Ay sik baguyna ban gfaringangan sat tina. Ay sik nugang fag mangena ban gfaringangan sat nugangina.