Popular Bible Verses from Santiagu 1

Share

Ku ngay fadugsay, useganani tuwa, dewa am gdalan nus nga setaw fag ngay famaskud. Teway nasaful wam te, nu gfatunglus tuwam gafanud dewa e famaskud, gananad tuwam gsungatan.

Ay nus nga sinu am nu dyay ngayu ay fagsafulun, eti yap sas Diyus. Ay kanya gfon sas fagayu taget anya, ay di gfangalo.

Ku fakafanyuun ku ngay fadugsay, amatangani: fagayu am mafalii tuwa nu nandungugan am, maadani tuwa nu gelongan, ay lag mafali nu gfangalimata am.

Nu katanya, sungatani tuwa ngay famaskud, laman umtvngvd am. Nu katanya, matuyan tuwa ay ugali, ay di am e nayudanan.

Faningi tuwa Diyus at longan. Ay dangai gdungugan fagtvngvd. Nu gdungugan way am fagtvngvd, gfanluk way am ayu.

Sik taw guseganan nu gsungatan tuwa dewa e ngay famaskud. Teway nu nababo tuwa, tam Fun mamanyun anya leleg at yud e fakatabuwan. Kanya Diyus at fatuyanan sa sangay takesug anya.

Fagayu at famanyun masine ay kasakan tagsiginan tam Tama sas banwa. Kanya at naawat nus nge wain tagsas banwa tagfon fagmayamagun. Ay dewa fagayu ginbalian kata lanbung nu gadgalinan, tam Diyus di ginbalian.

Katatuy way sik taw nu nadungugan way fagtvngvd Diyus at longan, ay way gfaning: Kanya kata way sik taw nu nalinggat anya sasad arirawvn. Ay nu nalag wa anya, kanya nalo wan, ay rodi kanya wa namatang anya te, “Go tain aw?”

Tam Diyus tam Tama nu glag, tain at masine nu gseg tam anya? Masine nu gtarabang tuwa tam at ngay burangday fag mangena ay anggan sat ngay ulila nu e nayudanan. Ay masine yangay nu gdi tam galabian ste fagdaul daga at ugali at mafurat. Takatanya fag taw malayun ay matuyan ay di e fasagbatan.

Sik famaskud dewa nadalan emu, lag gamatangan te, “Diyus gfaskud angku.” Teway Diyus di gafaskudan at mauri, ay di gfaskud nus nga sinu. Gafaskudan tam nu gaguyudan way tam tam mauri fag fakaumsigun.

Nu sik fadugsay tuwo yud e kwa, useganani dawdaw, teway Diyus nafaabat emu.