Popular Bible Verses from Galasya 1

Share

Mangamam, mangenam, nafamaya kwa mangaro dawdaw ayu. Fakatanyaun nu gelongan aw, roro ku fakaumsigun taguseganan angku bundi taw. Tam Diyus tuwa. Teway aw, tam Fun aw at fanuguwan. Satu ro, nu gasarapan kway ro at ngay taw ayuwayu nu guseganan angku, kwa ro nangus nangafanuguwanan sa tam Fun Isus.

Ay glong ami te, Diyus faurii wa nangus fagayu at ke fasadan igfasaman ay amatanganan siginan at Masine fag Barita. Dewa long ro ami at kumdasug sanya ay nanfasaman ami ay amatanganan siginan ebi em nafoyung ayu, Diyus faurii wa nangus emi. Ay dewa te, sik falad wa daw siginans banwa at nanfasaman ay amatanganan siginan at Masine fag Barita, Diyus faurii wa nangus kanya sigon fag falad.

Ay igdarangin ami ayu sa tam Tama sas banwa ay sa tam Fun Isus, tam Fagsegan. Igdarangin ami te, laman kanya falag tuwa nu kafanyu ayu, ay fanabayan tuwa ayu. Em ngay fadugsay, masine way ngap tam Fun Isus at nafagbulun sa antam. Ebi, tam Fun Isus nanangate, laman falyam tam ngay asalanan, ay laman falangfe yangay antam ste ginan swa daga fag ngay mauri. Fakatanyaun tam Isus nafagbulun, igfaning tam Tama at fakaumsigun. Nu katanya, glong watam te, fadi fadi sa tam Diyus. Faggugat fauseganani anya. Kin, fauseganani wa fiya.