Popular Bible Verses from Nu Galin 2

Share

Ay Diyus nadungug nu gatakan ay namatangan te, “E fatuyanan aw sas Abrayam, sas Isaak, ay sas Akub.” Diyus nu nalag taw Israel nu gbanwan kanya kafanyu.

Ay nu ngayu wak banwa at kinlangfe, ebi fag fun sis talun Iptu tagfatakan taw Israel inkate wan. Ay dewa katanya, taw Israel gafanuguwanan way gugat gatakan. Ay nu katanya, naet tarabang sas Diyus, ay at fagetun indasug sas Diyus.

Ay ka fag ngenge nu ntuwas wa nu gsusu, at tina nataban sas fun at baguyna. Ay fun at baguyna nalong te, “Tuy kata wa ku unga, ay katsi, gfangayan aw anya te, Muisis, at masuwad te, ku nabul siginan sad safa.”

Ay fun at baguyna nalong sanya fag mangena te, “Ubai tuy fag ngenge ay fasusui. Fatvngvduni yap ay angku way ban. Ay kaduge o gfadaul, igsali kyay sa emu.” Ay ka fag mangena nabul at ngenge ay nafatvngvdun.

Ay ginanya, at fun sis talun Iptu at baguyna nalo nangigus sad Safa Nilu. Ay kaduge gigus, at fanuguwan fag ngay mangena gfanloan sa sangaba tigyangan safa. Ay at fun baguyna nalag ka fag bugyas sis wa makmak, ay nalong sat fanuguwan at sadi te, “Buli.”

Ay Muisis nu baguwama wan, nalo wa sat ngay kalongan ay nalag te, gatakan dawdaw. Ay nalag yangay sik taw Iptu nu gfalang sik Ebriyu at kalongan. Ay Muisis iglingaman sat ngaba dayu te, go di e taw. Ay nu nalag te, di e taw, nafate wan ka fag taw Iptu, ay nalubgub wa sasad lagnas.