Popular Bible Verses from Efesu 5

Share

Faningi tuwa Diyus at ugali, anway am wan at fakesugun at unga. Ay faggugat afanyui ay iba kata tam Fun Isus nu kafanyu antam. Kanya nafon at leleg sa antam laman sik bebanglu fag anyun sas Diyus.

Ay nu katanya, amatangani tuwa te, go setain ban nu maugalian am masine, laman di am kata at yud e fagsafulun fag ngay taw, kata tuwam at ke fagsafulun fag ngay taw. Lag gfangulan ay lungud nu gfagbulun am at masine, anway mauri wan katsi tam ngay menit.

Ay lag ginum fangaranug, anway kanya gfafurat way ayu. At masine, ugatani tuwa faningi at Masine fag Falad. Ay fodfoyungani tuwa sa ay iba Diyus at ngay danyu ay tiba yak danyu tagfauseganan Diyus. Ay danyui sas fagdaul ay baga gina am gseg Diyus. Fagayu nus nge wain fauseganani tuwa gugat sa tam Fun Isus ay sas Diyus tam Tama.

Ay anway katanya, dangay am kata at yud e fagsafulun. Asafuli tuwa te, setain Diyus at fakaumsigun sa ayu.

Ngay mangama, esugi tuwa ay mangena kata tam Fun Isus nu kesug at ngay tagafanud. Tam Fun Isus nafon at leleg sa sangay tagafanud

Ebi dewa am sisad marum, katsi si wam sad mayamag, anway si wam tam Fun. Ay nu katanya, ugaliani kata tagsisad mayamag fag ngay taw.

Ay adkafanyuwani tuwa, sik famasaful te, galang tuwam tam Fun Isus.

Ngay mangena, faningi tuwa ay mangama kata nu gfaning am tam Fun.

Nu katanya, ngay mangama, esugi tuwa ay mangena kata nu kesug am ay balyu. Ay am fag ngay mangena, faningi tuwa ay mangama.

Marirukan sis Diyus at longan te, “Sik mangama nu ndaduwa wan, insaman wa at tama ay at tina, ay nangalo wa sat mangena. Ay kanya fag duwa nsadi wan.”

Ay lag am kaful sa sangay taw tagsisad marum at fagbulun. Fangkabat, foyungi ka fag ngay taw te, mauri way at fagbulun.