Popular Bible Verses from Efesu 1

Share

Gdarangin kyangay te, tam Diyus at tagfayamag sa ayu, laman sumaful am te, tain ay fage fagsegun, Diyus at fagnafiliun ayu. Ay laman sumaful yangay am te, setvngvd Diyus at fagafonun fag masine sa at ngay taw. Ay laman sumaful yangay am te, setvngvd Diyus at fagmadaragangun nut si antam tagafanud. Diyus at fagmadaragangun si wa antam katvngvd yangay at fagmadaragangun nu gfaleleg tam Fun Isus siginan at fagmateanan ay nu gfalunggung anya sa at siyun fag tigyangan sis banwa. Ay tam Fun Isus glabi nu e fagmadaragangun sas fagayu tagfangguna, ay sas fagayu fagmagurangan, ay sas fagayu fagmadaragangun. At ngayan glabi katsi ay anggan wa ban sat kumdasug fag ngay lungud.

Siginan ngay yud e daga, Diyus dan nafili antam, laman umsadi watam sa tam Fun Isus. Ay Diyus nu glag antam, masine tuwa ay di tam e mauri. Tam Diyus at faginfanyuun antam, at fasadan ebi laman at ngay unga ban tam, anway sa tam Fun Isus at nafagbulun. Katanya tuwa Diyus at fakaumsigun.

Tam Fun Isus at taguk at nafalangfe antam, ay at nafalyam tam ngay asalanan. Katvngvdan Diyus nu kamanyun antam

Segi tuwa tam Diyus, tam Fun Isus at Tama, anway kanya nafamanyun antam fagayu at ngay fagmasineun sa tam fagafanudun, kata at fagmasineun sis banwa, anway insadi watam sa tam Fun Isus.