Popular Bible Verses from 2 Kurintu 4

Share

Ay nu katanya, em fakaumsigun tagsa tuwas banwa tam fagyudun glag, bundi ste swa daga tam ngay nalag. Anway tam ngay nalag katsi wa glugo kalyam way. Ay tam fagyudun glag katsi at fagmasineun di ban e fakatabuwan.

Nu katanya, di kalukme em amatanganan. Dewa em bilug garimanan kafanalo, kabitsug tuwa em amatanganan kayu menit kayu menit. Tam ngay fagatakanun katsi ya faggugat, ay ya fiya fiya mataka. Ay siginan em fagatakanun, kanya e famanyun at nafasaman laman sa emi at yud e glabi faggugat ban.

Dewa nus ngandaginan baliwa tagfatakan emi, di ami nalabawan. Ay tibaginan dewa ami gabukngan, e fagsegun tuwami gugat. Ngayu tagfatakan emi, ay dewa katanya Diyus di nafabayan emi. Ngayu ginan nu gfafulid emi, ay dewa katanya di nafate emi.

Em bilug kata way sik bisu daga at yud matvngvd. Ay em foyungan Diyus at longan kata sik mesug fag nanuranan nu masuwadan sanya, laman tibak taw sumaful te, em foyungan bundi siginan em amatanganan mandi, siginan tuwas Diyus at fagmadaragangun.

Ka fag ngay taw wa gafanud sa at Masine fag Barita anway Satanas gmagurang at ngay amatanganan, laman kanya wa sumaful at Masine fag Barita sa baliwa tam Fun Isus at fagmasineun. Tam Fun Isus wan Diyus at aninu.

Ebi Diyus nalong te, “Asurei fagmayamagun siginan sad marum.” Ay anggan katsi kanya yangay at nafayamag tam amatanganan, laman sumaful tam Diyus at fagmasineun siginan tam Fun Isus.