Popular Bible Verses from 2 Kurintu 1

Share

Gseg watam sa tam Diyus, tam Fun Isus at Tama. Kanya tam Tama tagfangafanyu, ay tam Diyus at tagfabitsug tam amatanganan. Ay kaduge tam gdalan ngay mataka, kanya gfabitsug tam amatanganan, laman siginan at nafabitsugan tam amatanganan anggan itam mafafabitsug tuwa tam tam iba at ke natakan.

Ay nus nga setaw tam fagdalanun mataka anway sa tam Fun Isus, kayu ginan yangay anya nu gfabitsug tam amatanganan.

Nu gayup ami, ginanya waro ami. Fakatanyaun mangaro laman sumaful ami te, lag gseg em fagmabitsugun mandi, afanudi tuwa sas Diyus at tagfaleleg sat ngay kinkate.

Diyus wan tagfatvngvd antam, nu nsadi tuwa tam sat nafili fag Fun. Ay kanya wan at nafili antam. Ay kanya yangay at nafatsi antam sik fagsafulan te, Diyus wa tam at ngay taw. Ay kanya yangay at nafatsi antam at Masine fag Falad, sik fagsafulan te, gfagurungan wa ban fiya fagayu at nafatuyanan sa antam.

Ay dewa ami gatakan, kanya gfabitsug ay amatanganan, ay laman umlangfe yangay am. Ay Diyus nu nafabitsug tuwa em amatanganan, kanya gfabitsug yangay ban ay amatanganan. Nu katanya tuwa, maasungatan tuwam kata em ngay nadalan fag ngay mataka.