Popular Bible Verses from 1 Tesalunika 4

Share

Ay nu katanya wan, itam fagayu gasfuwan watam umkurug sas ke linyabu. Ay itam ay tam Fun, nangablangan watam sanya, sad kiwang. Ay siginan ban ginanya, maful wa long ban tam gugat gugat sa tam Fun.

Katatuy tam Fun Isus at foyungan antam at kumgurungan ban: Tam Fun umdaga ban siginans banwa. Ay kadugenya, kanya guro dawdaw. Igsugu. Ay tam Diyus fanuguwan fag falad at tiba tungud, kanya muro yangay dawdaw. Ay ginanya, e guyup yangay dawdaw si tam Diyus fagbudyungan. Ay tam Fun Isus nu ndaga wa ban, itam fag ngay tagafanud at yud inkate, wa tam gumuna at ngay kinkate nu kaful sa tam Isus. Bagu tam umful, taguna umleleg yay at kinkate fag ngay tagafanud.

Diyus fakaumsigun, ay fagbulun, at maumsigi tuwa sa anya. Nu katanya, nu bunway am sik daduwa, lag kalong kalong nantedtedan. Am fagayu, lag faning ay ngay fakaumsigun at mauri. Ay fagbulun, at maumsigi tuwa sa tam Diyus, ay at yud mapla sas taw.

Ay roro itam, gafanud tuwa tam te, tam Isus ebi dewa inkate, inleleg yay fiya. Nu katanya, itam fag ngay tagafanud sa tam Isus, gafanud yangay tam te, dewa tam inkate, tam Diyus igfaleleg yangay antam laman umful tuwa tam sa tam Isus.

Ay glong yangay ami ayu te, saruyi tuwa nu gananfaaringanganun am ay iba. Ay lag fasalag ay iba nu gfagbulun. Ani tuwa ebuluni. Katanya fag ngay suguwan, ebi nalong wami.

Faningi tuwa kata em nalong, teway tam Diyus fagnafiliun antam, bundi te, laman faning tam ayuwayu tam ngay fakaumsigun at mauri. At fagnafiliun antam, antuwa te, laman tam fagbulun at maumsig tuwa sa anya.