Popular Bible Verses from Romanos 3

Share

spisilic ay smulic, ma ba yich'beyejic yutsilal te Diose, pero ta scuenta yutsil yo'tan Dios ta mahtanil halbotic te toj ayic, ta scuenta stojel mulil ta scuenta Cristo Jesús.

ha te toj ya x'ilotic yu'un Dios ta scuenta sch'uhunel yo'tantic ta stojol Jesucristo, spisil mach'atic ya sch'uhunic, yu'un mayuc mach'a yan yilel

Dios la yac' te ha la stojbotic jmultic te Jesús teme jch'uhunejtic te la smal sch'ich'el cu'untic. Tey la yac' ta ilel a te stojil bin ya spas, como cuhch yu'un te ma ba la yich' ta cuenta te muliletic ta namey, yu'un ya yac' ta ilel ta ora ini te stojil bin ya spas, scuenta yu'un ya xchicnaj te ha toj stuquel soc te ya yal te ha toj te mach'a ya sch'uhun te Jesús.

como mayuc jtuhluc ya xhalbot te toj ta stojol Dios ta scuenta spasel te bin ya yal te Ley, como ta scuenta te Ley ya yac' ta na'el te ay mulil.

Hich te bin ut'il ts'ihbabil: Mayuc mach'a toj, ni jtuhluc; mayuc mach'a ya xc'oht ta yo'tan, mayuc mach'a ya sle te Diose. Spisilic howiyemic, pajal ma xtuhunic; mayuc mach'a ya spas te bin lec, ni jtuhluc.

Como ya caltic te ha halbil te toj te ants-winic ta scuenta sch'uhunel yo'tan, ma ha'uc ta scuenta spasel bin ya yal te Ley.

¡Ban c'an hichuc! Dios spisil ora ya spas te bin smelelil, ha jlotetic spisil ants-winiquetic; como hich ts'ihbabil: Scuenta yu'un ya xchicnaj te toj ayat ta scuenta bintic yac awal, soc te yac awa'iy tsalaw c'alal ya x'ich'otat ta c'op, te xchihe.