Popular Bible Verses from San Mateo 15

Share

Yan te bin ya xloc' ta ehal ya xhahch tal ta o'tanil, ha me ya xjihnot yu'un te winique. Como ta o'tanil ya xloc' talel te bin chopol ta nopel, te milaw, antsiwej, chijil-o'tanil, elec', lehaw ta c'op soc te sbohlc'optayel Dios.

Ma ba ya xjihnot te winic yu'un te bin ya x'och ta ye, ha ya xjihnot yu'un te bintic ya xloc' tal ta ye, xchi.

Te pueblo ini ta ye nax ya yich'onic ta muc', pero te yo'tanic namal ayic ta jtojol, tojol ya sch'uhuntayonic, sc'op nax winiquetic te ya yaq'uic ta nopel, te xchihe, xchi.

Ha yu'un hich jac'bot yu'un te Jesús: ¡Ants, bayel sch'uhunel awo'tan! Ac'a c'ohtuc ta pasel te bin yac ac'ambel, xchi sc'oblal. Ha nix ta yorahil a lecub te yantsil-ale.

Pero te ants tal squejan sba ta stojol, hich la yal: ¡Cajwal, coltayawon! xchi. La sjac' te Jesús: Ma lecuc te ya yich' pojbeyel te pan yu'un te al-nich'aniletic yu'un ha ya yich' a'beyel swe'ic te bic'tal ts'i'etique xchi. Pero la yal te antse: Melel, Cajwal; pero te bic'tal ts'i'etic ya swe'ic te xeht'elul we'elil ya xch'ay cohel ta ye'tal smesa te yajwalique, xchi.