Popular Bible Verses from San Mateo 14

Share

Pero c'alal la yil te tulan ic', xiw yu'un, hich hahch ta mulel cohel ta ha', hahch ta aw: ¡Cajwal, coltayawon! xchi. Ora la shach sc'ab te Jesús, la stsac te Pedro, hich la yalbe: ¡Winic te mayuc lec sch'uhunel awo'tan! ¿Bin yu'un te xchebet awo'tan? xchi sc'oblal.

Pero c'alal la yil te tulan ic', xiw yu'un, hich hahch ta mulel cohel ta ha', hahch ta aw: ¡Cajwal, coltayawon! xchi.

Pero ora c'oponotic yu'un te Jesús: ¡Muc'ubenuc me q'uinal xawa'iyic! Ho'on me, ma me xiwex, xchi sc'oblalic.

Ha yu'un la sjac' te Pedro: Cajwal, teme ha'ate, hala mandar yu'un ya xtalon ta ba ha' ta banti ayat, xchi. La', xchi sc'oblal. Hich loc' ta barco te Pedro, hahch ta behel ta ba ha', toj bahel ta banti ay te Jesús.

Ha yu'un te mach'atic ayic ta barco tal sch'uhuntayic, hich la yalic: Melel nix a te ha'at Snich'anat Dios, xchihic ta stojol.

Halbotic yu'un te Jesús: Ma fuersahuc ya xbahtic. A'beya swe'elic ha'ex, xchi. Mayuc bin quich'ojcotic, hip ho'pehch pan soc cha'coht chay, xchihic.

Ich'bonic tal li'i, xchi te Jesús. Hich la spas ta mandar te ants-winiquetic te yacuc shuhcan sbahic ta aquiltic; la stsac te ho'pehch pan soc te cha'coht chay, la yil mohel ta ch'ulchan soc la sc'opon Dios yu'un, la xet'ticlan, la yac'ticlambe te jnopojeletic yu'un, hich te jnopojeletic la spucticlambe te mach'atic tey ayic a.

We'ic spisilic, noj sch'uhtic yu'un; soc la stsobic te xeht'elul pan te hil yu'unic, lahchayeb (12) moch noj a.